میرپور ۔ 6 فروری (اے پی پی) وزیراعظم دی معاون خصوصی برائے اطلاعات ونشریات ڈاکٹر فردوس عاشق اعوان آکھیے جو پاکستان دی حکومت اتے عوام بھارتی جبرواستبداد اتے مظالم دے باوجود اپنڑے عزم اتے جذبہ حریت تے کھڑے کشمیریاں کو ں سلام پیش کریندن اتے یقین ڈیویندن جو اساں ہر موقع تے انہاں دے نال کھڑے راہسوں، وزیراعظم عمران خان کشمیریاں دے سفیرہوندے کشمیری عوام کوں یکجہتی دا سنیھا ڈیونڑ میر پور آزاد کشمیر پجین جو جگ مسلہ کمشیر دا نوٹس گھندے ہوئے بھارت دے فاشسٹ ایجنڈے کوں سمجھیندے ہوئے کشمیریاں کوں ظلم توںا ٓزاد کراوے اتے مسلہ کشمیر دے حل کیتے کرداراداکرے۔اے گالھ انہاں میر پور اچ میڈیا نال الویندے ا ٓکھی۔ایں موقع تے سینیٹ دی قائمہ کمیٹی برائے اطلاعات ونشریات دے چیئرمین سینیٹر فیصل جاوید اتے سابق وزیراعظم آزاد کشمیرسودھا تحریک انصاف آزاد کشمیردے صدر بیرسٹر سلطان محمود چوہدری وی موجود ہن??ان??اں آکھیے جو اج پورے جگ اچ کشمیر کیتے آواز اٹھدی پئی اے،مقبوضہ جموں وکشمیر اچ حریت رہنماجیویں آزادی دی تحریک کوں اپنڑی رت دے ڈیوے بال تے سجاکاکیتے اتے کشمیری جیوی?? قربانیاں ڈیندے پین او ضرور رنگ گھن آسن اتے جگ اچ بھارت دی فسطائیت بے نقاب تھیندی راہسی،کشمیریاں پہلے ہی بھارت دے منفی پروپیگنڈہ کوں بے نقاب کر ڈتے اتے بھارتی وزیراعظم نریندر مودی دیاں بنیاداں ہلا ڈتن??ان??اں آکھیے جو بھارت کشمیریاں دی جدوجہد دباونڑ اچ ناکام تھی گئے،اج اے مطالبہ جگ دے اگو سامنڑے رکھیندے پئے ہیں جوعالمی دنیاکشمیریاں دا ڈکھ سمجھے اتے انہاں کوں استصواب دا حق ڈتا ونجے جیندا وعدہ اقوام متھدہ دی سلامتی کونسل پہلی ہی کر چکی اے،ایکوں اپنڑیا?? قر??رد??داں تے عملدرآمد کیتے بھارت کوں مجبور کرنڑا ہوسی جو او مقبوضہو ادی اچ چھی مہینے توں جاری کرفیو ختم کراوے اتے کشمیریاں کوں انہاں دا حق ڈیواوے۔ معاون خصوصی آکھیے جو کشمیر کشمیریاں دا اے، کشمیریاں دے پیریں اچ اے پابندیاں زیادہ دیر نئیں رہ سگدیاں۔
بھارت طلم نال کشمیریاں دی سوچ اتے جذبہ حریت نئیں دبا سگدا،وزیراعظم عمران خان دی اگوانڑی اچ قوم کشمیریاں دے جائز، بنیادی، آئینی اتے قانونی حق کیتے ہر حد تئیں ویسی ، معاون خصوصی ڈاکٹر فردوس عاشق اعوان
مضمون کا ماخذ : موبائل سے لاٹری کھیلیں
متعلقہ مضامین
