ملتان ۔07 اکتوبر (اے پی پی) وزیرخارجہ مخدوم شاہ محمودقریشی آکھیے جو بھارتی حکومت کشمیریاں تے ظلم بند کرے ۔مقبوضہ کشمیر اچ پیلٹ گن دا استعمال روکیا ونجے ۔میڈیا کوں آزاد کیتا ونجے تے لوکاں کیتے رستے کھولیے ونجن ۔مودی سنڑ گھن ، او وقت نیڑے ہے جڈاں لوکاں دا صبر جواب ڈے ویسی ۔او سنوار کوں شیخ الاسلام حضرت بہاﺅالدین زکریا ملتانی دے780ویں عرس دے اختتام تے قومی زکریاکانفرنس دی آخری نشست نال خطاب کریندے پئے ہن ۔وزیرخارجہ آکھیا جو پاکستان دی کوشش اے جو خطے اچ امن و خوشحالی تھیوے تے اساں ایندے کیتے کم کریندے پیوں ۔ انہاں آکھیے جو وزیراعظم عمران خان دیاں اجوکیاں کوششاں نال امن کیتے امید دی کرن پیدا تھئی اے ،انہاں جنرل اسمبلی اچ جیرھی جرات نال اے مسئلے کوں چاتے ایندی مثال نی ملدی ۔ سلامتی کونسل اچ 54سال بعد مسئلہ کشمیر زیربحث آئے۔وزیرخارجہ مزید آکھیا جو امت مسلمہ مسئلہ کشمیر تے کڈاں ویسی۔ دین اسلام نال عقیدت دامظاہرہ کڈاں کریسی ۔انہاں آکھیے جو دنیا اچ کتھائیں بئے چرچ، گوردوارے اتے مندر بند تھن۔وزیرخارجہ مطالبہ کیتے جو مقبوضہ وادی اچ مسیتاں دے تالے کھولیے ونجن ۔جمعے دی نماز کیتے نرمی کیتی ونجے کشمیریاں کوں آزادی ڈتی ونجے ۔
وزیر اعظم عمران خان دے اقوام متحدہ دی جنرل اسمبلی اچ خطاب نال خطے اچ قیام امن کیتے امید دی کرن پیدا جاگی اے، وزیرخارجہ شاہ محمود قریشی دا قومی زکریاکانفرنس نال خطاب
مضمون کا ماخذ : سپرمین: فلم
متعلقہ مضامین
