اسلام آباد ۔ 08 مارچ (اے پی پی) وزیراعظم عمران خان مادر ملت فاطمہ جناح کوں خراج عقیدت پیش کریندے ہوئیں تریمتاں کوں قومی تعمیر تے ترقی اچ اپنڑاں جائز کردار ادا کرنڑ کیتے انہاں کوں محفوظ تے سازگار ماحول دی فراہمی کوں یقینی بنڑاونڑ دے پکے عزم دا اعادہ کیتے ۔انہاں اے گال جمعے کوں تریمتاں دے جگ ڈیہاڑ دے موقع تے اپنڑے ٹویٹ اچ آکھی اے ۔تریمتاں دا جگ ڈیہاڑ پاکستان سمیت پوری دنا اچ جوش تے جذبے نال منایا ویندا پئے ۔ وزیر اعظم اپنڑے ٹویٹ دے رلے بانی پاکستان قائد اعظم محمد علی جناحؒ اتے انہاں دی ہمشیرہ مادر ملت فاطمہ جناح دی ہک تصویر تے بانی پاکستان دا ہک فرمان وی شیئر کیتے ۔قائد دے فرمان اچ آکھیا گے جو ” کوئی جدوجہد جواناں دے رلے تریمتاں دی شرکت دے بغیر کامیاب کائنی تھی سگی ،دنیا اچ ڈو طاقتاں ہن ہک تلوار دی ڈوجھی قلم دی ۔ ڈوہیں وچال بہوں مسابقت تے ہمسری پاتی ویندی اے ولا ہک تریجھی طاقت اے ڈوہیں توں ودھ توں ودھ طاقتور اے او تریمتاں دی طاقت اے “ ۔ وزیر اعظم اپنڑے ٹویٹ اچ آکھیے جو او تریمتاں دے جگ ڈیہاڑ دے موقع تے محترمہ فاطمہ جناح کوں سلام عقیت پیش کریندن جیرھی جو قیام پاکستان دی جدوجہد دے دوران قائد دے رلے ڈٹیاں رہ گئن ۔
وزیراعظم عمران خان دا تریمتاں دے جگ ڈیہاڑ دے موقع تے اپنڑے ٹویٹ اچ مادر ملت فاطمہ جناح کوں خراج عقیدت
مضمون کا ماخذ : فائر جوکر
متعلقہ مضامین
