اسلام آباد 21 اګست (اے پي پي) وزيراعظم محمد شهباز شريف د سېلاب ځپليو د رېسكيو٬ ريليف او بحالۍ هلې ځلې د لا ګړندۍ كولو امر كړے دے۔ وزيراعظم محمد شهباز شريف دا امر د پوځ سرلښكر جنرال قمر جاوېد باجوه او د نېشنل ډيزاسټرمېنجمنټ اتهارټۍ (اېن ډي اېم اے) چئيرمېن ليفټيننټ جنرال اختر نواز سره د ټېلي فوني تماس د لارې كړې٬ د خبرو اترو په مهال د سېلاب ځپليو رېسكيو او ريليف لپاره د پوځ د مرستې او جذبې ستائنه كړې شوه ۔ دا خبره د وزيراعظم ميډيا آفس پرېس ونګ لخوا د اتوار په ورځ په جاري بيان كښې شوې ده۔ د خبرو اترو په مهال وزيراعظم محمد شهباز شريف او د پوځ سرلښكر د سېلاب ځپليو په خاص توګه په سندھ كښې د مرستې او بحالۍ كاروائۍ په اړه خبرې اترې كړې دي۔ په دې موقع د پوځ سرلښكر لخوا په سندھ كښې د مرستې په كاروائيو كښې د پوځ د بشپړه مرستې په اړه وزيراعظم خبر كړو ۔ وزيراعظم محمد شهباز شريف په سندھ كښې د رابطه سړكونو او پلونو تباه كېدو له امله د چورلكې وركولو امر وكړٶ او وئ وئيل چې د چورلكې استعمال سره به سندھ او بلوچستان كښې د سړكونو رابطو نشتوالي له امله د رېسكيو او ريليف وركولو كښې رامخې ته شوې ستونزو لرې كېدو كښې مرسته ترلاسه شي ۔وزيراعظم د سېلاب ځپليو رېسكيو او ريليف لپاره د پوځ د مرستې او جذبې ستائنه وكړه۔ د پوځ سرلښكر وزيراعظم خبر كړو چې کمانډر سدرن کمانډ ته په بلوچستان كښې د مرستې كاروائيو په اړهپ خاص امر جاري كړې شوې دې۔ وزيراعظم په سندھ كښې د سېلاب ځپليو مرستې لپاره د كېش رقم وركولو لپاره بي آئي اېس پي ته هم امر وكړو۔ د اېن ډي اېم اے چئيرمېن وزيراعظم په سندھ كښې د بارانونو او سېلاب له امله د تازه صورتحال نه خبرولو سره سره د سندھ حكومت او په بلوچستان كښې د مرستې په كارووائيو كښې د بشپړه مرستې پحقله هم وزيراعظم خبر كړو۔ ده وزيراعظم د رېسكيو او ريليف عملياتو په اړه بريف كړو۔ په دې موقع وزيراعظم امر وكړو چې د سېلاب ځپليو رېسكيو٬ ريليف او د بحالۍ هلې ځلې دې لا ګړندۍ كړې شي۔
د وزيراعظم محمد شهباز شريف د پوځ سرلښكر او د اېن ډي اېم اے چيئرمېن سره ټېلي فوني تماس
مضمون کا ماخذ : ہاٹ اسپن
متعلقہ مضامین
