اسلام آباد 02 جولائي (اے پي پي) د كورنيو چارو وفاقي وزير رانا ثناالله وئيلي دي چې په هېواد كښې امن او سلامتيا زمونږ د شهيدانو په سبب ده، د شهيدانو د كورنيو به هر ډول خيال ساتلې شي، د هېواد امن لپاره د ځان قربانې وركوونكو ته د عقيدت پېرزوينې وړاندې كوو، شهيدان ياد نه ساتونكي قومونه ژوندي نه پاتې كېږي، د شهيدانو قربانې د قومونو تقدير بدلوي، د تېر حكومت په دور كښې د پوليس شهيدانو كورنيو ته د واجباتو په ادائيګې كښې تاخير شوے، د ترهګرې په ضد جنګ كښې 80 زره پاكستانيانو د ځان قرباني وركړې، د امنيتي ادارو د 12 زرو نه زياتو ځوانانو د خوږ وطن تحفظ او سلامتيا لپاره ځان قربان كړے، د ترهګرې په ضد جنګ كښې لوي معاشي زيان شوے، د پېټرول بېعې لوړولو پرېكړه ډېره مشكله وه، كه مونږ د ټاكنو پرېكړه كړې وه نو د هېواد ډيفالټ كېدو خطر و، عمران خان يوازې د احسن ګجر او فرح ګوګي تقدير بدل كړے، زمونږ مشرانو د اوږدو هڅو نه پس خوږ وطن ترلاسه كړے. د خالي په ورځ په پوليس لائن كښې د شهيدانو كورنيو ته په خپله وېنا كښې د كورنيو چارو وفاقي وزير رانا ثناالله ووئيل چې د فرض په ادائيګې كښې په هېواد د ځان قربانوونكو او شهادت ترلاسه كوونكو عزت او احترام په مونږ ټولو فرض دے. ده ووئيل چې د شهيدانو كورنيو ته سلام وړاندې كوم. ده ووئيل چې مونږ د شهيدانو په عزت او احترام كښې دستوره جوړه كړې. وفاقي وزير د شهيدانو د كورنيو مننه كولو سره ووئيل چې د بقاياجاتو په ادائيګې كښې به تاخير نه كېږي ، يو ارب 22 كروړه واجبات به تاسو ته رسي. د دې نه علاوه د شهيدانو د كورنيو نورې مسئلې به هم حل كولې شي. د دې څخه وړاندې وفاقي وزير د شهيدانو په يادګار حاضري وكړه او په يادګار ئې ګلونه وغوړول. په دې موقع د اسلام آباد پوليسو آئي جي ډاكټر اكبر ناصر خان هم موجود و.
په هېواد كښې امن او سلامتيا زمونږ د شهيدانو په سبب ده، د شهيدانو د كورنيو به هر ډول خيال ساتلې شي. د كورنيو چارو وفاقي وزير رانا ثناالله په پوليس لائن هېډكوارټرز كښې دستورې ته وېنا
مضمون کا ماخذ : ریل رش
متعلقہ مضامین
