اسلام آباد ۔ 13 نومبر (اے پی پی) وفاقی وزیر برائے قانون تے انصاف بیرسٹر فروغ نسیم آکھیا جو حکومت انسانی ہمدردی دی بنیاد تے میاں نواز شریف کوں چارہفتیں سانگے باہرلے ملک علاج سانگے ونجنڑ دی موکل ڈیونڑ دا فیصلہ کیتے،انہاں دا ناں ای سی ایل توں کائنی کڈھیا گیا جڈانجو انہاں کوں ہک واری باہرلے ملک ونجنڑ دی موکل ڈتی ویسی،او ست ارب روپے دا شورٹی بانڈ جمع کرا تے باہرلے ملک ونج سگدن،وکیلاں،ڈاکٹراں دی رائے اتے عدالتی فیصلے کوں ڈیکھدیں ہوئیں انہاں کوں باہرلے ملک ونجنڑ ڈیونڑ دا فیصلہ کیتا گئے۔اے گالھیں انہاں بدھ کوں اتھاں وزیراعظم دے معاون خصوصی برائے احتساب شہزاد اکبر رلے پریس کانفرنس نال خطاب کریندیں ہوئیں آکھی۔انہاں آکھیا جو وزارت داخلہ کوں میاں شہباز شریف،نواز شریف کوں باہرلے ملک ونجنڑ سانگے درخواست ڈتی ہئی اتے اوندے نال شریف میڈیکل سٹی دی میڈیکل رپورٹس لاتی گی ہئی،ای سی ایل توں ناں کڈھنڑ وفاقی کابینہ دی ذیلی کمیٹی دا کم اے،ذیلی کمیٹی ایں درخواست تے تکھے کاروائی کریندیں ہوئیں شریف میڈیکل سٹی، سرکاری میڈیکل بورڈ، وکلاءدی رائے گھدی اتے عدالتی فیصلیاں کوں وی ڈتھا گئے۔انہاں آکھیا جو کمیٹی کوں ڈسیا گے جو میاں نواز شریف دی صحت بہوں خراب اے،انہاں کوں پیچیدہ بیماریاں ہن،جنہاں دا علاج صرف باہرلے ملک ممکن اے۔انہاں آکھیا جو نواز شریف دی صحت بارے وفاقی کابینہ کوں ڈساڈتے۔
حکومت انسانی ہمدردی دی بنیاد تے میاں نواز شریف کوں چارہفتیں سانگے باہرلے ملک علاج سانگے ونجنڑ دی موکل ڈیونڑ دا فیصلہ کیتے، ،وفاقی وزیر برائے قانون تے انصاف بیرسٹر فروغ نسیم
مضمون کا ماخذ : bolão lotomania
متعلقہ مضامین
