اسلام آباد ۔ یکم مارچ (اے پی پی)پاکستان طالبان اتے امریکا دے امن معاہدے دا خیر مقدم کریندے آکھیے جو امن معاہدہ امریکہ اتے طالبان وچال پہلا ٹھوس اقدام اتے وڈی پیش رفت اے،معاہدے دی کامیابی کیتے پورا ہتھ ونڈیسوں،عالمی برادری افغانستان دی تعمیر نو اتے افغان مہاجرین دی واپسی کیتے ہتھ ونڈاوے۔اے گالھ اسلام آباد اچ وزیر خارجہ شاہ محمود قریشی دفتر خارجہ دی ترجمان ڈاکٹر عائشہ دے رلے پریس کانفرنس نال خطاب اچ آکھی۔ انہاں آکھیے جو معاہدے دے مطابق قیدیاں دی رہائی، انٹرا افغان ڈائیلاگ طے شدہ ٹائم فریم اچ تھیونرا چاہیدے،ایندے نالا عتماد ودھسی اتے پاکستان امن معاہدے کوں اگو تے ٹورنڑ کیتے پورا ہتھ ونڈیسی جڈاں جو افغانستان دی ترقی اتے خوشحالی کیتے پاکستان اپنڑی مثبت سوچ کوں اگو تے ودھیسی۔انہاں آکھیے جو افغانستان اچ امن نال پاکستان ایندا براہ راست مستفید تھیونڑ آلا ملک اے ہک وڈی جنگ دے بعد افغان عوام وی امن چاہندے ہن،اے افغان قیادت دا امتحان اے جو او کتنی لچک ڈکھیندن،توقع اے جو افغان سرزمین پاکستان اچ تخریب کاری کیتے استعمال نہ تھیسی،اے فیصلہ افغان عوام کرنڑے جو پائیدار امن اتے استحکام کیویںا ٓسی؟فریقین کوں امن کوں اگو ودھاونڑ کیتے اپنڑے رویے اچ لچک ڈکھاونڑی ہوسی،معاہدے دااحترام لازمی اے ،ہنڑ مسلیاں دا سیاسی حل کڈھنڑا ہوسی۔شاہ محمود قریشی آکھیے جو عماہدے سانگے پاکستان دے کردار دی ہر کہیں تعریف کیتی اے بھل امن دی راہ اچ خرابی پیدا کرنڑ آلے عناصر تے اکھ رکھنڑی ہوسی،ہنڑ انٹراافغان ڈائیلاگ اچ دیر نئیں تھیونڑی چاہیدی،افغانستان اچ سیاسی عدم استحکام وی مکنڑا چاہیدے،چنگاں ہوسی جو اپنڑے مستقبل دے فیصلے افغان آپ کرن،ایندے اچ کہیں دی مداخلت نہ ہووے۔شاہ محمود قریشی آکھیے جوافغانستان بارے امن معاہدے توں بعد پاکستان کوں وسط ایشیائی ریاستاں تئیں رسائی ملسی۔وزیر خارجہ آکھیے جو پاکستان دا امن برباد کرنڑ آلیاں طاقتاں کوں شکست تھی گئی اے،اج سابق قبائلی علاقہ جات قومی دھارے اچ رل چکین،اتھاں تعمیر و ترقی دا عمل جاری اے۔انہاں آکھیے جو پاکستان امن کیتے اے کردار کہیں دے آکھنڑ تے نئیں صرف اپنڑے مفاد سانگے کیتے،ساکوں اطمینان اے جو اساں درست سمت اچ اگو تے ودھدے پئے ہیں۔
امن معاہدہ امریکہ اتے طالبان وچال پہلا ٹھوس اقدام اتے وڈی پیش رفت اے،معاہدے دی کامیابی کیتے پورا ہتھ ونڈیسوں،وزیر خارجہ شاہ محمود قریشی دا دفتر خارجہ دی ترجمان ڈاکٹر عائشہ دے رلے پریس کانفرنس نال خطاب
مضمون کا ماخذ : پنجاب لاٹری
متعلقہ مضامین
