لاہور۔20 مئی(اے پی پی )لیہ دی تحصیل کروڑ لعل عیسن اچ زہر آلود مٹھائی کھاونڑ نال 31بندیاں دی المناک موت دے وجہ دا تعین کرنڑ بارے وزیر اعلیٰ پن??اب محمد شہباز شریف دی بنڑائی گئی خصوصی انکوائری کمیٹی دے سربراہ جسٹس (ر) اعجاز احمد چوہدری آکھیا جو زہر خورانی اتے کھاونڑ پیونڑ دی شئیں دے استعمال توں بچنڑ سانگے سکولاں دے طلباء تے طالبات کوں حفظان صحت بارے شعور ڈتا ونجے تانجو اے بالھ آپنڑے گھر ونج کراہیں والدین کوں وی صحت مند زندگی جیونڑ دا ڈھنگ ڈس سگن۔انہاں اے گالھ سول سیکرٹریٹ لاہور اچ خصوصی انکوائری کمیٹی دے اجلاس اچ آپنڑے ریمارکس اچ آکھی۔اجلاس اچ کمییٹی دے ??نوینر ایڈیشنل چیف سیکرٹری پن??اب شمائ?? احمد خواجہ تے ارکان کمیٹی سیکرٹری پرائمری ہیلتھ علی جان ،سیکرٹری آئی اینڈ سی فراست اقبال ،ایڈیشنل آئی جی سپیشل برانچ فیصل شاہکار ،ڈی جی پنجا ب فرانزک سائنس اتھارٹی ڈاکٹر محمد اشرف طاہر ،سابق ڈی جی پن??اب فوڈ اتھارٹی ساجد چوہان ،پیسٹی سائیڈ سپیشلسٹ زرعی یونیورسٹی فیصل آباد پروفیسر ڈاکٹر سہی?? احمد اتے معروف پروفیسر آف میڈیسن ڈاکٹر عیص محمد(Eice)،ضلع لیہ دے ??سٹرکٹ کو آرڈینیشن آفیسر ،ڈسٹرکٹ پولیس آفیسر،ای ڈی اوز ہیلتھ اینڈ ایگری کلچر لیہ دے علاوہ کین کمشنر پن??اب وقاص عالم شرکت کیتی جنہاں کوں پن??اب فوڈ اتھارٹی دے ??ائریکٹر جنرل دا ودھیکی چارج ڈتا گئے۔جسٹس (ر) اعجاز احمد چوہدری سانحہ لیہ بارے سارے اداریاں دی بنڑائی رپورٹ دا تفصیلی جائزہ گھدا جئیں اچ ڈسایا گئیا جو بال جمنڑ دی خوشی اچ مٹھائی اچ فصلاں دی جڑی بوٹیاں مارنڑ آلی خطر ناک زہر کلورفینا سٹ ڈتی گئی ہئی جئیں نال زہر آلود لڈو کھاونڑ آلے 100مقامی بندے متاثر تھیے ۔اے زہر چربی اچ حل تھی ویندے ۔مٹھائی دا زہر آلود دا پتہ چلنڑ دے بعد ای پنجاہ دے نیڑے بندیاں آپنڑے طور ودھ مقدار اچ دیسی گھیو روایٹی ٹوٹکے دے مطابق استعمال کیتا جئیں نال الٹیاں اتے دست آونڑ نال زہر دا زیادہ حصہ جسم توں نکل گئیا کیونجو گھیو دا روغنی جزو کہیں حد تئیں کلوروفینا جیہی خطرناک زہر کوں جذب کر گھندے نتاں ایں زہر دا تریاق سرے توں موجود کائنی ۔کروڑ لعل عیسن دے تحصیل ہیڈ کوارٹر ہسپتال اتے لیہ دے ??سٹرکٹ ہیڈ کوارٹر ہسپتال اچ 58مریضوں دے معدے دی صفائی کیتی گئی جڈانجو زہر خورانی دی مقدار اتنی ودھ ہئی جو انہاں کوں نشتر ہسپتال ملتان اتے جناح ہسپتال لاہور منتقل کیتا گئیا اتے جدید ترین علاج معالجے دے باوجود نہ بچایا ونج سگیا اتے انہاں اچوں 31بندیاں دی موت واقع تھیے۔
لیہ اچ زہر خورانی نال 31بندیاں دی المناک موت تے وزیر اعلیٰ دی بنڑائی گئی انکوائری کمیٹی دا اجلاس
مضمون کا ماخذ : میگا ملینز کا بونس
متعلقہ مضامین
