اسلام آباد ۔ 9 اگست (اے پی پی) چیئرمین سینیٹ محمد صادق سنجرانی سینیٹ اچ قائد ایوان اتے قائد حزب اختلاف دے مشورے نال کشمیر دی موجودہ صورتحال کوں اجاگر کرنڑ ، بھارت دی ہٹ دھرمی اتے اقوام متحدہ دیاں قراردادوں دے برعکس کشمیر دی موجودہ حیثیت کوں تبدیل کرنڑ متعلق آئینی تبدیلی دا ڈساونڑ کیتے اہم پارلیمانی اداریں تے ملکاں اچ سینیٹ دے خصوصی وفد بھیجنڑ دا فیصلہ کیتے ۔اے وفد امریکا ، روس ، بین الاپارلیمانی ےونین ، ےورپین ےونین اتے اسلامی ممالک دی تنظیم او آئی سی بھیجے ویسن جیں کیتے پروگرام مرتب کیتا ویندا پئے ۔ امریکا ونجنڑ آلے وفد دے سربراہ سابق چیئرمین سینیٹ سینیٹر فاروق حمید نائیک جڈاں جو انہاں دے رلے ارکان اچ سینیٹر نعمان وزیر اتے سینیٹر انوار الحق کاکڑ شامل ہن۔ روس کےتے ترتیب ڈتے گے وفد دی سربراہی سینیٹر بیرسٹر محمد علی خان سیف کریسن جڈاں جو وفد اچ سینیٹر سسی پلیجو اتے سینیٹر ڈاکٹر شہزاد وسیم شامل ہن۔ بین الا پارلیمانی ےونین دی قیادت نال ملاقاتاں کیتے ونجنڑ آلے وفد دی قیادت سینیٹر محسن عزیز کریسن جڈاں جو انہاں دے رلے سینیٹر گیان چند اتے سینیٹر آغا شاہ زیب درانی وفد دا حصہ ہوسن ۔ ےورپین ےونین نال رابطے کیتے سینیٹر مشاہد حسین سید وفد دی قیادت کریسن جڈاں جو سینیٹر ولید اقبال ، سینیٹر ہلال الرحمان اتے سینیٹر سرفراز احمد بگٹی اُنہاں دے رلے ہوسن۔ اسلامی ملکاں دی تنظیم او آئی سی دے سامنڑے کشمیر دی اجوکی صورتحال کوں پیش کرنڑ کیتے سینیٹ اچ سینیٹ اچ قائد حزب اختلاف سینیٹر راجہ محمد ظفر الحق وفد دے سربراہ ہوسن جڈاں جو انہاں دے ارکان اچ سابق ڈپٹی چیئرمین سینیٹ سینیٹر عبدالغفور حیدری ، سینیٹر سراج الحق اتے سینیٹر حافظ عبدالکریم شامل ہوسن۔
کشمیر بارے بھارتی اقدام بارے ڈساونڑ کیتے سینیٹ دے وفد اہم ملکاں تے اداریں کوں بھیجنڑ دا فیصلہ
مضمون کا ماخذ : پاور بال کے نتائج
متعلقہ مضامین
