صدر مملکت ڈاکٹر عارف علوی نال تیونس دے سبکدوش تھیونڑ آلے سفیر دی چھیکڑی ملاقات

APP35-31 ISLAMABAD: July 31 - Outgoing Ambassador of Tunisia, Adel Elarbi paying farewell call on to President Dr. Arif Alvi at the Aiwan-e-Sadr. APP

اسلام آباد ۔ 31 جولائی (اے پی پی) صدر مملکت ڈاکٹر عارف علوی بدھ کوں تیونس دے سبکدوش تھیونڑ آلے سفیرنال ایوان صدر اچ چھیکڑی ملاقات کیتی۔ایں موقع تے گالھ مہاڑ کریندے ہوئیں صدر عارف علوی آکھیا جوپاکستان تیونس دے نال اپنڑے یاری آلے تعلقات کوں وڈی اہمیت ڈیندے، ڈوہائیں ملک مختلف بین الاقوامی معاملات بارے عالمی فورمز تے ہکو جیا موقف رکھیندن۔ صدر مملکت آکھیا جو پاکستان اتے تیونس دے مختلف بین الاقوامی معاملات تے ہکو جئے مفادات ہن اتے بین الاقوامی فورمز تے ڈوہائیں ملک ہکو ورگا موقف رکھیندن۔ صدر مملکت آکھیا جو سیاسی خیرسگالی اتے یاری دے باوجود ڈوہائیں ملکاں وچال ڈوطرفہ تجارت ایندی حقیقی استعداد توں گھٹ ہے۔ صدر مملکت آکھیا جو پاکستان گوادر اچ اپنڑیں گھاٹے سمندر دی بندرگاہ اتے سی پیک راہداریاں دے ذریعے تیونس کوں وسط ایشیائی ریاستاں اتے چین دے نال تجارتی رابطے ودھاونڑ دا موقع ڈیندے۔ انہاں تیونس دے سبکدوش تھیونڑ آلے سفیر کو ںپاکستان اچ اپنڑیں تعیناتی دا عرصہ کامیابی نال پورا کرنڑ تے مبارخباد ڈتی اتے ڈوہائیں ملکاں وچال تعلقات دے ودھارے سانگے انہاں دی کوششاں دی تعریف کیتی ۔ سبکدوش سفیر پاکستان اچ اپنڑے قیام کو ں خوشگوار بناونڑ اتے چنگی میزبانی کرنڑ تے پاکستانی حکومت اتے عوام دا شکریہ ادا کیتا۔

مضمون کا ماخذ : ڈریگن اسپن