اسلام آباد۔11ستمبر(اے پی پی) وزیرا??ظم محمد شہباز شریف آکھیے پاکستان دا ساریں توں وݙا اثاثہ باصلاحیت نینگر ہن ، پاکستان اچ کھیݙ دے میدان آباد کرݨ حکومت دی ترجیح اے ، مکس مارشل آرٹس شعبہ اچ حکومت پاکستان فیڈریشن نال مکمل تعاون کریسی ، اے ڳالھ انھاں پاکستان مکس مارشل آرٹس فیڈریشن دے عہدیداراں تے کھیݙاریاں کوں آکھی جنھاں انھاں نال ملاقات کیتی ۔ ملاقات کرݨ آلیں اچ صدر پاکستان مکس مارشل آرٹس فیڈریشن عمر احمد، چمپیئنز ایمان خان، بانو بٹ، بریو کامبیٹ فیڈریشن ونرز رضوان علی، ضیاء مشوانی اتے اسماعیل خان شامل ہن، ایں موقع تے وفاقی وزیر طلاعات و نشریات عطاء اللہ تارڑ، وزیر مملکت انفارمیشن ٹیکنالوجی شزہ فاطمہ خواجہ، چیئرمین وزیر ا??ظم یوتھ پروگرام رانا مشہود احمد خان، وزیرِ اعظم ??ے کوآرڈینیٹررز رومینہ خورشید عالم، بدر شہباز تے متعلقہ اعلیٰ حکام شرکت کیتی۔وزیراعظم ??کھیے پاکستان دا ساریں توں وݙا اثاثہ پاکستان دے با صلاحیت نینگر ہن ، انٹرنیشنل مکس مارشل آرٹس فیڈریشن ایشیئن چیمپئن شپ اچ پاکستان دے کھیݙاریاں 12 میڈل جت تے ملک و قوم دا سر ماݨ نال اُچا کیتے ۔ میݙی خواہش اے جو پاکستان دے کھلاڑی ایویں عالمی سطح تے مقابلیں اچ ملک تے قوم دا ناں روشن کریندے رہسن، تساں سارے کھیݙاریاں نال مل تے دلوں خوشی تھئی اے ، تساں پاکستان دا قیمتی سرمایہ ہیوے، تساں ساریں دیاں صلاحیتاں کوں ݙیکھ تے اطمینان تھیندے جو پاکستان دا مستقبل تابناک اے۔ مکس مارشل آرٹس دے شعبے اچ حکومت پاکستان فیڈریشن نال مکمل تعاون کریسی ، پاکستان اچ کھیݙ دے میدان آباد کرݨ حکومت دی اولین ترجیح اے ۔
وزیراعظم ??کھیے خادم پاکستان دیاں ذمہ واریاں سنبھالݨ دے بعد پاکستان سپورٹس انڈاؤمنٹ فنڈ، کھیݙاں دے مقابلے تے کھیݙاریاں دی سلیکشن سانڳے شفافیت یقینی بݨاوݨ جیھے اقدامات کیتن ۔ انہاں آکھیے بط??ر وزیرِ ا??ظم میں آپݨا فرض سمجھداں جو پاکستان دے کھیݙاریاں دی عالمی مقابلیں اچ شرکت سانڳے ہرطرح دا تعاون ݙتا ونڄے ، مکس مارشل آرٹس فیڈریشن دا پاکستان اچ بین الاقوامی مقابلے کراوݨ تعریف دے قابل اے ، ایں موقع تے وزیرا??ظم کوں ہݨے ہی فیڈریشن اتے وزیرا??ظم یوتھ پروگرام دے تعاون نال منعقدہ مکس مارشل آرٹس دے بین الاقوامی مقابلیں دا ݙسایا ڳئے جنھاں اچ 18 ملکاں توں 300 اتھلیٹس حصہ ڳھدا ، پاکستانی اتھلیٹس 4 سلور میڈلز وی ڳھدے جݙاں جو پاکستان دیاں ݙو تریمت فائٹرز گولڈ میڈلز جتیے۔ گولڈ میڈلز جتݨ آلیاں کھیݙاریاں اچ ایمان خان اتے بانو بٹ دے علاوہ ٻئے کھیݙاریاں وزیرا??ظم کوں آپݨی کارکردگی دا ݙسائے ۔ وزیر ا??ظم کوں مکس مارشل آرٹس دے شعبے دی ترقی سانڳے تجویزاں پیش کیتیاں ڳئن ۔ وزیرا??ظم متعلقہ حکام کوں تجویزاں تے غور تے مشاورت کرتے وختی عملدرآمد سانڳے لائحہ عمل پیش کرݨ دی ہدایت کیتی
