اسلام آباد ۔ 27 نومبر (اے پی پی) الیکشن کمیشن تریجھے پنج سالہ سٹریٹجک پلان دا اجرا کر دتے جیڑھا2019ءتوں 2023ءدے دورانیہ دا اے جڈاں جو چیف الیکشن کمشنر جسٹس (ر) سردار محمد رضا آکھیے جو پارلیمنٹ اتے ریاست دے بئے ادارے الیکشن کمیشن دی لوڑھ دے مطابق ہتھ ونڈاون جڈاں جو قوانین اچ تبدیلی کیتے پارلیمان ضروری قانون سازی کرے۔اے گالھ انہاں الیکشن کمیشن سیکرٹریٹ اچ تریجھے 5 سالہ سٹریٹیجک پلان دے اجراءویلھے خطاب کریندے آکھی ۔انہاں آکھیے جو الیکشن کمیشن ایں توں پہلے ڈوجھے سٹریٹجک پلان تے عمل کریندے ہوئے بہوں پندھ کیتن اتے جمہوری عمل اگو تے ودھاونڑ اچ اپنڑیاں آئینی ذمہ واریاں نبھائن،تریجھے پنج سالہ سٹریٹجک پلان اچ انتخابات اتے ایندے نال جڑیے سارے امور رکھیے گین جیڑھے مستقبل دے اہداف مقررکریسن تاں جو ادارہ جاتی ترقی تھیوے،آزادانہ ،منصفانہ اتے غیر جانبدارانہ انتخابات یقینی بنڑائے ونج سگن۔انہاں اقدامات اچ انتخابی عذرداریاں و شکایات داتیکھے ازالہ، انتخابی قوانین اچ بہتری کیتے پارلیمان دی معاونت ، پولنگ سٹیشناں چنگیاں سہولتاں،انتخابی عملے دی چنگی تربیت،الیکشن کمیشن دے اندرونی نظام کوں موثربنڑاونڑسودھاایں 5 سالہ منصوبہ تے عملدرآمدکیتے مانیٹرنگ دا نظام وی ڈتا گئے۔ تریجھے سٹرٹیجک پلان دے تحت موبائل ایپلیکیشن، نتائج دا الیکٹرانک ترسیلی نظام دسمبر 2022ءتئیں اپ گریڈتھی ویسی، کمپیوٹرائزڈ انتخابی فہرستاں دسمبر 2022ءتئیں اپ گریڈ تھیسن،ووٹرزدی آگاہی نصاب دا حصہ ہوسی،گھٹ ووٹر ٹرن آﺅٹ،ودھ مستند ووٹاں دی وجوہات جانڑن کیتے جون 2020ءتئیں تحقیق مکمل تھیسی،مرنڑ آلے لوکاں کوں انتخابی فہرستاں توں کڈھنڑ دا طریقہ کاردسمبر 2020ءتئیں بنڑ ویسی جڈاں جو ریٹرننگ افسران، کمیشن اتے ٹربیونل کیسز ٹریک کرنڑ دا آن لائن مینجمنٹ نظام بنڑسی۔ جغرافیائی انفارمیشن سسٹم، رزلٹ مینجمنٹ سسٹم دسمبر 2022ءتئیں اپ گریڈتھیسی،صنفی فرق کوں 6 فیصد تئیں گھن آونڑ اتے 90 فیصد تئیں اہل شہریاں کوں بطور ووٹر رجسٹرڈکیتا ویسی۔ الیکشن کمیشن اگست 2020ءتئیں سوشل میڈیا دا محکمہ بنڑا ڈیسی،الیکشن ایکٹ، لوکل باڈیز ایکٹ دا ازسرنو جائزہ گھن تے دسمبر 2020ءتئیں ترامیم کیتی ویسن۔
الیکشن کمیشن تریجھے پنج سالہ سٹریٹیجک پلان دا اجراءکرڈتے
مضمون کا ماخذ : مصر کی میراث
متعلقہ مضامین
