اسلام آباد۔14نومبر(اے پی پی) چیئرمین سینیٹ سید یوسف رضا گیلانی آکھیے سپین دی سینیٹ دے وفد دا دورہ پاکستان اتے سپین دے ودھدے تعلقات دی عکاسی کریندے ،پاکستان تے سپین دے ݙوطرفہ تعلقات دی بنیاد سانجھے احترام، مشترکہ اقدار دے جذبات تے مبنی اے۔ اے ڳالھ انھاں سپین دی سینیٹ 4رکنی وفد نال پارلیمنٹ ہائوس اچ ملاقات اچ آکھی ۔وفد چیئرمین سینیٹ سید یوسف رضا گیلانی دی خصوصی دعوت تے پاکستان دے 5 ݙینھ دے دورے تے ہے ۔چیئرمین سینیٹ سپین دی سینیٹ دے وفد کوں پارلیمنٹ ہاؤس آوݨ تے خوش آمدید آکھئے۔سپین دے پارلیمانی وفد نال ملاقات اچ سید یوسف رضا گیلانی آکھیے سال 2010 اچ بطور وزیراعظم سپین دا دورہ کیتا ہئی ،سپین اتے یورپی یونین دے اعلیٰ حکام نال پاکستان دی ٹیکسٹائل دی صنعت د?? حوالے نال تبادلہ خیال تھیا ہئی تے ڈبلیو ٹی او دے ہیڈ کوارٹر دا وی دورہ کیتا ہئی ،انھاں ملاقاتاں اچ بین الا قوامی منڈیاں تئیں رسائی د?? حوالے نال مثبت پیشرفت تھئی ہئی چیئرمین سینیٹ سید یوسف رضا گیلانی آکھیے بین الپارلیمانی تعلقات ݙوطرفہ رابطے کوں مزید مستحکم کرݨ اچ مددگار ثابت تھیسن،سپین دی سینیٹ دی طرفوں پارلیمانی سفارت کاری دے تحت رابطے کوں ودھارا ݙیوݨ دے جذبے دی قدر کریندن چیئرمین سینیٹ سپین تے پاکستان دے جمہوری طرز حکمرانی اتے پارلیمانی خود مختاری دے مشترکہ عزم دی تعریف کیتی ۔ انہاں آکھیے وفد دے تبادلیں اچ تیزی گھن آوݨ نال ادارہ جاتی تعاون کوں مزید تقویت ملسی۔ چیئرمین سینیٹ آکھیے پاکستان دی سینیٹ اچ پاکستان سپین دوستی گروپ تشکیل ݙتا ڳئے تے پارلیمانی سفارت کاری دے ذریعے ݙوطرفہ تعاون کوں مزید مستحکم کرݨ چاہندن۔ چیئرمین سینیٹ سید یوسف رضا گیلانی آکھیے ٹیکسٹائل زرعی چیزاں تے ٻئے سیک??رز اچ تجارتی تعلقات انتہائی اہمیت رکھیندن ، انھاں آکھیے ثقافتی اتے تعلیمی شعبیں اچ تعاون عوامی سطح تے رابطے کوں ودھارا ݙیسی۔ چیئرمین سینیٹ مزید آکھیے سپین اچ رہݨ آلے پاکستانی ݙوہیں ملکاں وچال ݙو پاسے تعاون ودھاوݨ اچ کلیدی کردار نبھیندے پئن ۔ چیئرمین سینیٹ وفد دی توجہ کشمیر تے فلسطین اچ جاری ظلم دے پاسے کرائی ،پاکستان تے سپین وچال کثیر الجہتی تعاون انتہائی اہم اے۔ بین الا قوامی فورمز تے وی ݙوہیں ملک ھک ݙوجھے نال تعاون سانڳے پرعزم اے ۔سپین دے پارلیمانی وفد نال ملاقات اچ سینیٹر انوشہ رحمان اتے سینیٹر آغا شاہ زیب درانی وی موجود ہن۔ ملاقات اچ چیئرمین سینیٹ سینیٹ دے تاریخی اتے پارلیمانی سفر دا وی ݙسائے تے ادارہ جاتی تعاون مزید ودھاوݨ دی اہمیت کوں اجاگر کیتے ۔ انھاں تجارتی شعبے اچ وی اقدامات چاوݨ تے زور ݙتے تاں جو ݙوطرفہ تجارت کوں مزید وسعت ݙتی ونڄ سڳے۔
سپین دی سینیٹ دے وفد دا دورہ پاکستان اتے سپین دے ودھدے تعلقات کوں ظاہر کریندے ،چیئرمین سینیٹ یوسف رضا گیلانی
مضمون کا ماخذ : estratégias para loteria
متعلقہ مضامین
