اسلام آباد۔7اک??وبر(اے پی پی)وزیراعظ?? محمد شہباز شریف کراچی اچ تھیوݨ آلے دہشت گرد حملے اچ چینی باشندیان دے مرݨ تے افسوس کریندے آکھیے جو واقعہ دے ذمہ داران دی تیکھے سنڄاݨ دے بعد کیفر کردار تئیں پچایا ویسی، پاکستان اچ کم کرݨ آلے چینی شہریان دی سیکیورٹی ترجیح اے، پاکستان اتے چین دے تعلقات کوں نقصان پچاوݨ دی ایں سازش کوں اصلوں برداشت نہ کی??ا ویسی۔ وزیراعظ?? محمد شہباز شریف چینی سفارت خانہ گئن اتے پاکستان اچ تعینات چینی سفیر جیانگ زیڈانگ نال ملین اتے کراچی اچ چینی قافلے تے دہشت گرد حملے تے پرچاوݨی ݙتی اتے افسوس کیتے۔ انہاں آکھیا جو ایں واقعے اچ ملوث دہشتگرداں دے خلاف کارروائی کیتی ویسی ایں سانڳے حکومت مکمل طور تے متحرک اے، پاکستان اچ موجود چینی ٻھراوان دا تحفظ ترجیح اے، ݙوہاں ملکاں وچال نفاق سٹݨ آلی ایں گھناؤنی سازش کوں ک??میاب نا تھیوݨ ݙ??ا ویسی، واقعے دی تحقیقات دی میں آپ نگرانی کریساں، غیر ملکیاں کیتے سکیورٹی انتظامات ٻئے ودھائے ویسن۔
چینی سفیر کراچی اچ دہشت گردی واقعہ دے بعد حکومت دے فوری ردعمل اتے تحقیقات شروع کرݨ تے شکریہ ادا کریندے معاملے دی مؤثر تحقیقات، ذمہ دار دہشت گرداں دی فوری شناخت اتے کیفر کردار تے پچاوݨ سانڳے حکومت پاکستان اعتماد ݙکھیندے امید کیتی اے جو ذمہ داراں کوں تیکھے پکڑیا ویسی۔ ملاقات اچ وفاقی وزیر ترقی و منصوبہ بندی احسن اقبال، وفاقی وزیر اطلاعات و نشریات عطا اللہ تارڑ اتے متعلقہ اداراں دے اعلیٰ افسران وی موجود ہن۔
