اسلام آباد۔5فروری (اے پی پی):چیئرمین سینیٹ محمد صادق سنجرانی آکھیے جو 5 فروری دا ݙینھ کشمیریاں دی جدوجہد آزادی اتے قربانیاں کیتے اظہار یکجہتی دا ݙینھ اے جیں کوں پورے ملک اچ وسݨ آلے پاکستانی تے کشمیری جوش تے جذبے دے نال منی??دن ۔ کشمیر ڈے دے حوالے نال آپݨے پیغام اچ انہاں آکھیے جو مسئلہ کشمیر دے حوالے نال پاکستان دیاں ساریاں سیاسی جماعتاں ، ادارے اتے پوری قوم یک زبان اے ۔ مسئلہ کشمیر دا حل اقوام متحدہ دیاں قراداداں تے کشمیری عوام دیاں اُمنگاں دے مطابق ہی حل تھیسی۔ چیئرمین سینیٹ آکھیے جو بھارتی حکومت 5 اگست2019 کوں مقبوضہ کشمیر دی خصوص?? حیثیت بدال تے مقبوضہ جموں و کشمیر اچ انسانی حقوق دی پامالی دی بدترین مثال قائم کریندے ہوئیں لکھاں کشمیریاں کوں نظر بند کرݙتے تے بھارت مقبوضہ کشمیر اچ ہندواں دی آبادکاری دی سازش کوں ودھارا ݙیندا پئے جیں کوں ہر صورت اچ ناکام بݨایا ویسی ۔ انہاں آکھیے ??و کشمیر اچ ودھدی ہوئی بھارتی بربریت، ظلم وستم اتے انسانی حقوق دی بدترین پامالی توں بھارت دا مکروہ چہرہ دنیا دے سامݨے آڳئے تے پوری دنیا اچ بھارتی غیر قانونی اقدامات تے آوازاں چودیاں پئن ۔
