ملتان ۔04 اپریل (اے پی پی)صوبائی وزیر صحت ڈاکٹر یاسمین راشدآکھیا جو پاکستان اچ ایجھی قیادت موجود اے جئیں عوام دے ڈکھ کوں محسوس کریندی اے اتے انہاں دے ڈکھ دا مداوا کرنڑ سانگے عملی کم کریندی پی اے۔کہیں وی ملک دی ترقی صحت تے تعلیم نال ہوندی اے ایں سانگے حکومت صحت اتے تعلیم دے شعبیاں اچ کم کریندی پی اے اتے مفت صحت کارڈ مستحق لوکاں کوں ڈیندی پی اے۔اے گالھیں انہاں ضلعی حکومت اتے محکمہ صحت ولوں صحت انصاف کارڈ دی ونڈ دی تقریب نال خطاب کریندیں ہوئیں آکھی۔ایں موقع تے انہاں دے رلے صوبائی وزیر توانائی ڈاکٹر اختر ملک، پارلیمانی سیکرٹری ندیم قریشی، کمشنرملتان عمران سکندر ، ڈپٹی کمشنر مدثر ریاض توں علاوہ اسمبلی دے ارکان وی موجود ہن ۔ڈاکٹر یاسمین راشد آکھیا جو اج ملتان اچ ہک لکھ80ہزار کارڈ مستحق لوکاں کوں ڈتے ویندے پن ۔ایں توں پہلے راجن پور،ڈی جی خان اتے مظفر گڑھ اچ وی لوکاں کوں اے کارڈ ڈتے گئن ۔انہاں آکھیا جو کارڈ پورے پنجاب اچ استعمال کیتا ویسی،ہک ہزار روپے تئیں کرایہ وی ہسپتال ڈیسی۔
ملتان اچ صحت کار ڈ دا افتتاح ،کارڈ پورے پنجاب اچ استعمال کیتا ویسی،ہک ہزار روپے تئیں کرایہ وی ہسپتال ڈیسی، ڈاکٹر یاسمین راشد دا افتتاحی تقریب توں خطاب
مضمون کا ماخذ : لاٹری ٹکٹ لائیو
متعلقہ مضامین
