اسلام آباد ۔ 24 جنوری (اے پی پی) پاکستان آکھیا جو بھارت کرتارپور کوریڈور ڈارفٹ معاہدے کوں حتمی شکل ڈیونڑ بارے بچگانہ پن دا ??ظا??رہ کریندا پے،اسرائیل بارے پاکستان دی پالیسی اچ کوئی تبدیلی کائنی آئی ،پاکستان دی سرزمین تے داعش دا کوئی وجود کائنی،پاکستان اتے قطر دوحہ اچ طالبان اتے امریکا اچ مذاکرات اچ سہولت ڈیندے پئن،پاکستانی سمندری حدود اچ بھارت?? ماہی گیر بیڑی کوں بوڑنڑ دا نویں دہلی دا الزام بے بنیاد اے،امریکی صدر اتے وزیراعظم خان دی ملاقات بارے اجاں کوئی تاریخ کائنی طے تھئی۔خمیس کوں دفتر خارجہ دے ترجمان ڈاکٹر محمد فیصل ہفتہ وار بریفنگ اچ صحافیاں دے مختلف سوالاں دے جواب ڈیندیں ہوئیں آکھیا جو بھارت کرتارپور کوریڈور ڈارفٹ معاہدے کوں حتمی شکل ڈیونڑ بارے بچگانہ پن دا ??ظا??رہ کریندا پے،تجویز دا جواب ڈیونڑ دی بجائے فوکل پرسن بھیجنڑ توں انکار کیتے اتے پاکستانی وفد دے دہلی دے دورہ سانگے ڈو انج انج تریخاں مقرر کیتن۔انہاں آکھیا جو اساں جواب ڈیسوں پر اساڈا جواب بالیں وانگوں کا??نا ہوسی۔ترجمان آکھیا جو پاکستانی سمندری حدود اچ بھارت?? ماہی گیر بیڑی کوں بوڑنڑ دا نویں دہلی دا الزام بے بنیاد اے،اگرچہ بھارت?? ماہی گیراں ولوں پاکستان اقتصادی زونز اچ غیر قانونی شکار دی سرگرمیاں اکثر تھیندیاں رہندن جڈانجو پاکستان میری ٹائم سیکورٹی ایجنسی (پی این ایس اے) ملکی قوانین، بین الاقوامی ریگولیشنز تے متعلقہ یو این کنونشن دے مطابق انہاں دے خلاف کاروائی کریندی پی اے۔پاکستانی شہری دے اسرائیل ونجنڑ بارے ہک سوال دے جواب اچ انہاں آکھیا جو ،اسرائیل بارے پاکستان دی پالیسی اچ کوئی تبدیلی کائنی آئی۔
ترجمان دفترخارجہ ڈاکٹر محمد فیصل دی ہفتہ وار بریفنگ
مضمون کا ماخذ : bolão quina
متعلقہ مضامین
