اسلام آباد ۔ 22 اپریل (اے پی پی) صدر مملکت ممنون حسین آکھے جو انتہا پسندی نال نبڑنڑ کیتے سیاسی، معاشی اتے معاشرتی عوامل دا گہرا مطالعہ ناگزیر ہے۔ ایں سانگے علمی اتے تہذیبی سطح ??ے تحریک چلاونڑ دی لوڑ ہے ، تانجو قومی سطح ??ے علمی تے ادبی ماحول دی ترویج کیتی ونج سگے ۔ صدر مملکت اے گالھ قومی کتاب میلے دا افتتاح کرنڑ دے بعد ہک خصوصی تقریب نال الیندے ہوئیں آکھی ۔ ایں موقعے تے صدر مملکت کتاب پرچم وی لہرایا۔ مقامی اسکولاں دے طلبہ کتاب دا قومی نغمہ کتاباں دی دنیا سلامت راہوے پیش کیتا۔ ایںموقعے تے کتاب پریڈ وی تھئی جنیدے شرکا صدر مملکت کوں سلامی ڈتی ۔ صدر مملکت کتاب میلے دا افتتاح کرنڑ دے بعد مختلف سٹالز اُتے گئے اتے مختلف موضوعات دیاں کتاباں اچ ودھ ساری دلچسپی دا اظہار کیتا۔ صدر مملکت آکھیا جو انتہا پسندی نال بنڑ نڑ کیتے قوم دے سارے طبقیاں کوں رل تے کم کرنڑاں ہوسی۔ صدر مملکت آکھیا جو کتاب انسان دا ناطہ تخریب تو?? ترڑ تے تعمیر نال جوڑ ڈیندی ہے اتے کتاب مایوسی دے اندھیریاں کوں امید دی روشنی اچ بدل ڈیندی ہے ۔ ایں سانگے پاکستانی قوم سمیت ساری عالم انسانیت کیتے میڈا سنیہا ہے جو ا و بے یقینی نال ناطہ ترڑ تے کتاب نال رشتہ جوڑ گھنے تاں اے دنیا جنت دا نمونہ بنڑ ویسی ۔ صدر مملکت قومی کتاب میلے اچ بالیں کیتے خصوصی گوشے کڈز ری پبلک دی تعریف کیتی اتے آکھیا جو بالیں دا رشتہ کتاباں نال جوڑ تے مستقبل کوں محفوظ بنڑایا ونج سگدے ۔ صدر مملکت آکھیا جو پاک چین اقتصادی راہداری دی فعالی دے بعد پاکستان معاشی استحکام دی منزل اُتے پج ویسی جڈانجو ایندے کیتے سخت محنت اتے ایں دورے دے علوم تے فنون اُتے مکمل مہارت دی لوڑ ہے ۔ ایں بارے نیشنل بک فاونڈیشن سمیت سارے اشاعتی اداریاں دی اے ذمہ داری ہے جو او طالب علماں ، محققین اتے ٹیکنوکریٹس کیتے کتاباں اچ کڈاہیں کمی نہ آونڑ ڈیون
صدر مملکت دا اسلام آباد اچ قومی کتاب میلے دا افتتاح کرنڑ دے بعد خصوصی تقریب نال خطاب
مضمون کا ماخذ : جادوئی اسپن
متعلقہ مضامین
