حج اتے عمرہ ایکٹ وختی منظور کرایا ویسی،عوامی سطح تے حج ا??ریشن کو ںزبردست پذیرائی ملی ہے ،لوک مبارخاں دے خط بھیجیندے پئے ہن
سرکاری سکیم وانگوں پرائیویٹ حج گروپ آرگنائزرز وی حج پیکیج کوں گھٹ کرن
اسلام آباد ۔ 24 اکتوبر (اے پی پی) وفاقی وزیر مذہبی ??مور سردار محمد یوسف پرائیویٹ حج گروپ آرگنائزرز کوں آکھیا ہے جو سر??اری سکیم وانگوں او وی حج پیکیج کوں گھٹ کرن ۔ وفاقی کابینہ حج اتے عمرہ ایکٹ دی منظوری ڈے ڈتی ہے جیں کوں وختی اسمبلی توں منظور کرایا ویسی ۔عمرہ دے ذریعے ذاتی مفاد حاصل کرنڑ آلیں دا محاسبہ کیتا ویسی ۔سرکاری سکیم ہووے بھاویں پرائیویٹ سکیم اللہ دے مہماناں دی خذمت دا جذبہ ہوونڑاں چاہیدا ہے کیوں جو عبادت نال جنت تے خذمت نال ”اللہ “ ملدا ہے ۔او سنوار کوں اتھاں حج گروپ آرگنائزر ایسوسی ایشن آف پاکستان (ہوپ) دے نویںمنتخب عہدید??را?? دی تقریب حلف برداری توں خطاب کریندے پے ہن ?? وزیر مذہبی ??مور حج 2016ءدی شاندار کامیابی ??ے ایچ جی اوز کوں مبارخ باد پیش کیتی تے آکھیا جو وزیراعظم محمد نوازشریف انہاں کوں جڈاں وزارت دی ذمے واری ڈتی ہئی تاں اانہاں سانگے ہک وڈا چیلنج ہا کیوں جو اوں ویلھے دے حالات انہاں کوں پتہ ہن ?? 2013ئ‘ 2014‘ اتے 2015ءدے حج آپریشن اچ عوام سر??اری سکیم کوں زبردست پذیرائی بخشی۔ حج 2016سانگے ڈولکھ 80 ہزار درخواستاں دا جمع تھیونڑ ایں گالھ دا واضح ثبوت ہے ۔ سر??اری سکیم ہووے بھاویں پرائیویٹ اساڈا مقصد حاجیاں دی خذمت ہوونڑیں چاہیدی ہے ۔ پرائیویٹ سیکٹر کوں وی حج ا??تظامات دے حوالے نال اساں مشورے اچ شامل رکھیا۔ ساریں دیاں سانجھیاں کوششاںنال حج ا??ریشن کامیابی نال پورا تھی گیا ہے ۔ انہاں آکھیا جو حج ا??ریشن حکومت تے پاکستان سانگے نیک نامی دا باعث بنڑیا ۔لوکاں وزیراعظم تے انہاں کوں مبارخ باد دے خط بھیجے ہن ،انہاں حج ا??ریشن اچ ذرائع ابلاغ دے کردار کوں خاص طور تے چنگاںآکھیا ۔انہاں ہوپ دے نویں منتخب عہدید??را?? کوں مبارخ ڈتی تے انہاں توں توقع ظاہر کیتی جو او آئندہ وی حج ا??ور کوں چنگاں بنڑاونڑ سانگے اپنڑاں کردار ادا کریندے رہسن ۔”ہوپ “ ولوں وزیر مذہبی ??مور سردار محمد یوسف کوں حج 2016دے کامیاب اپریشن تے مبارخ باد ڈتی اتے انہاںکوں یادگار شیلڈ وی ڈتی گی ۔تقریب اچ وفاقی سیکر ٹری مذہبی ??مور سہیل عامر اتے جوائنٹ سیکر ٹری محمد فاروق وی شرکت کیتی ۔
وفاقی وزیر مذہبی امور سردار محمد یوسف دا ہوپ دے نویںمنتخب عہدیداراں دی تقریب حلف برادری توں خطاب
مضمون کا ماخذ : قدیم مصری کلاسک
متعلقہ مضامین
