اسلام آباد ۔ 21 نومبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو اپوزیشن جماعتاں دی رہبر کمیٹی کوں خود رہبری دی ضرورت اے ،اے مسلسل چور مچاوے شور فلم دا فلاپ شو پیش کریندی پئی اے، الیکشن کمیشن آف پاکستان کوں یرغمال بنڑا تے اثر انداز تھیونڑ دی مذموم کوشش دی ودھ ساری مذمت کریندوں ۔خمیس کوں ڈاکٹر فردوس عاشق اعوان اپنڑے ٹویٹ اچ آکھیے جو اساں اپنڑے موقف تے نظریے تے ڈٹ تے کھڑوں ،ڈوجھے وانگوں احتساب توں بھجنڑ آلے کائنی ۔انہاں آکھیے جو وزیراعظم عمران خان آئین دی حکمرانی، قانون دی بالادستی اتے بلا تفریق احتساب دے داعی ہن ، پوری قوم گواہ اے جو ملک دی ساریں توں وڈی عدالت کیں کوں صادق تے امین قرار ڈتے تے کون بدیانت ٹھہریے ۔
مضمون کا ماخذ : مایا کا عروج
