نیو یارک۔20مئی (اے پی پی):وزیر خارجہ مخدوم شاہ محمود قریشی آکھیے جو فلسطین اچ انسانی المیے دے تدارک کیتے سانجھیاں کوششاں کرݨ دی لوڑھ اے۔او گزریل ݙینھ فلسطین دے حوالے نال منعقدہ، اقوام متحدہ دی جنرل اسمبلی دے ہنگامی اجلاس اچ شرکت کیتے تشری?? گھن آوݨ آلے وزرائے خارجہ دے اعزاز اچ عشائیہ توں خطاب کریندے پئے ہن ۔عشائیے دا ا??تم??م نیویارک اچ واقع پاکستانی سفارتخانے اچ کیتا ڳیا ۔عشائیہ اچ ترکی، فلسطین، تیونس دے وزرائے خارجہ دے علاوہ صدر جنرل اسمبلی وولکر بوزکیراتے او آئی سی ملکاں دے اقوام متحدہ اچ مستقل مندوبین شرکت کیتی۔وزیر خارجہ مخدوم شاہ محمود قریشی معزز مہماناں کوں پاکستانی سفارتخانے اچ تشریف آوری تے خوش آمدید آکھیا ۔وزیر خارجہ اپݨے استقبالیہ خطاب اچ نہتے فلسطینیاں تے کیتی ونڄݨ آلی بربریت، انسانی حقوق دیاں سنگین خلاف ورزیاں اتے امن و امان کوں پیش آندے شدید خطرات دا حوالہ ݙیندے ہوئیں ،ایں نویں انسانی المیے دے تدارک کیتے مشترکہ کوششاں کرݨ دی ضرورت تے زور ݙتا ۔وزیر خارجہ معزز مہماناں کوں فلسطین اچ قیام امن دے حوالے نال پاکستان ولوں کیتیاں ڳئیاں سفارتی کاوشاں بارے ݙسایا ۔وزیر خارجہ ،اقوام متحدہ، جنرل اسمبلی دے ہنگامی اجلاس اچ ، مشترکہ لائحہ عمل اختیار کرݨ تے عالمی برادری دی توجہ فلسطین دی تکلیف دہ صو??تحال دے پاسے کراوݨ کیتے تفصیلی مشاورت وی کیتی۔ اقوام متحدہ اچ پاکستان دے مستقل مندوب منیر اکرم اتے امریکہ اچ تعینات پاکستان دے سفیر اسد مجید خان وی ایں موقع تے موجود ہن ۔
فلسطین اچ انسانی المیے دے تدارک کیتے سانجھیاں کوششاں کرݨ دی لوڑھ اے ،وزیر خارجہ مخدوم شاہ محمود قریشی دا نیویارک اچ وزرائے خارجہ دے اعزاز اچ عشائیہ توں خطاب
مضمون کا ماخذ : لافانی رومانس
متعلقہ مضامین
