راولپنڈی۔7اپریل (اے پی پی):پاک فوج دے سربراہ جنرل قمر جاوید باجوہ نال روس دے وزیر خارجہ سرگئی لیوروف ملاقات کیتی جیں اچ دفاع اتے سلامتی دے شعبہ اچ تعاون ودھاوݨ ، علاقائی سلامتی خصوصاً افغان امن عمل سودھے سانجھی دلچسپی دے امور تے ڳالھ مہاڑ کیتی ڳئی ۔ پاک فوج دے شعبہ تعلقات عامہ (آئی ایس پی آر) دے ڈائریکٹر جنرل، میجر جنرل افتخار بابر دے مطابق روس دے وزیر خارجہ سرگئی لیوروف جی ایچ کیو راولپنڈی اچ پ??ک فوج دے سربراہ جنرل قمر جاوید باجوہ نال ملاقات کیتی ۔ معزز مہمان دہشت گردی دے خلاف جنگ اچ پ??کستان دیاں کامیابیاں تے علاقائی امن و استحکام بلخصوص افغان امن عمل اچ پ??کستان دی مخلصانہ کوششاں دا اعتراف تے تعریف کیتی اے ۔روسی وزیر خارجہ سرگئی لیوروف آکھیے جو پاک روس تعلقات ھک مثبت پاسے گامزن ہن تے مختلف شعبیں اچ ترقی کریندے رہسن ۔ پاک فوج دے سربراہ جنرل قمر جاوید باجوہ آکھیے جو پاکستان روس دے نال اپݨے تعلقات کو?? اہمیت ݙیندے تے ݙوطرفہ فوجی تعاون ودھاوݨ کیتے اپݨا کردار ادا کریندا پئے ۔ جنرل قمر جاوید باجوہ زور ݙتے جو پاکستان انہاں سارے اقدامات دا خیرمقدم کریندے جیڑھا جو افغانستان اچ امن و استحکام گھن آسڳدن ایندے نال پورا خطرہ مستفید تھیسی۔ انہاں آکھیے جو اساں کنے کہیں وی ملک دے خلاف کوئی مخاصمانہ عزائم کائنی تے اساں خودمختاری ،مساوات اتے سانجھی ترقی تے مبنی ھک کوآپریٹو ریجنل فریم ورک دے پاسے کم کریندے رہ ویسوں ۔
