اسلام آباد۔4اپریل (اے پ?? پی):وزیراعظم عمران خان عوام تے زور ݙتے جو کورونا دی تریجھی لہر دے دوران بالخصوص احتیاط کیتی ونڄے تے ??اس?? لازمی پاتا ونڄے ، اے لہر ٻہوں خطرناک اے، صحت اتے زراعت دے شعبیں اچ وݙا انقلاب آندا پئے ، مہانگ تے قابو پا تے ݙکھیسوں ،قیمتاں کوں ودھاوݨ اچ مافیا ملوث اے قوم رل تے کرپشن دا مقابلہ کرݨا اے، عدلیہ رلے نہ تھیسی تاں کرپشن نال اساں نہ لڑ سڳسوں ،پاکستان اچ ادارے آزاد ہن، اساں کہیں کوں فون کرتے مرضی دے فیصلے نی کراسڳدے ، انقلاب فرانس اتے خمینی انقلاب اچ لوکاں دیاں گردناں لاتھیاں ڳئیاں ، پاکستان اچ جمہوری نظام اے، تبدیلی اچ ویلھا لڳدے ، عوام کوں صبر کرݨا پوسی، کمزور طبقہ دی حفاظت کیتے میں جہاد کریندا پیاں ، ساری قوم ایں جہاد اچ میݙے رلے تھیوے ملکی معیشت بہتر تھیندی پئی اے ، پہلی واری روپیہ مضبوط تھیوݨ شروع تھئے ، حکومت دے مثبت اقدامات کوں اجاگر نی کیتا ڳیا ملک کوں دیوالیہ تھیوݨ توں بچاوݨ کیتے قرضے گھنݨے پئے قبضہ گروپاں کدے خلاف جنگ دا اعلان کیتے ، 5 اگست دے اقدام کوں واپس گھنݨ تئیں بھارت نال تعلقات معمول تے نی آسڳدے ۔ اے ڳالھیں انہاں اتوار کوں براہ راست فون کالز دے ذریعے ع??ا?? دے سوالات دے جواب ݙیندے ہوئیں آکھئن ۔ وزیراعظم عمران خان آکھیے جو او ساریں توں پہلے قوم نال ہک اہم ڳال کرݨ چاہندن ، کورونا دی تریجھی لہر انتہائی خطرناک اے، ایں کیتے میں عوام کوں آکھداں جو او ??اس?? دے بغیر نہ رہن ، اے ساریں کیتے سوکھا کم اے جو اساں ??اس?? پاؤں ، اﷲ تعالیٰ کورونا دی پ??لی اتے ݙوجھی لہر دے دوران اساں تے خاص کرم کیتے تے اساکوں ٻہوں اوکھ توں بچائے ، جے امریکہ، یورپ، برازیل، بھارت اتے ایران وانڳوں صورت حال پیدا تھی ویندی تاں لمبے عرصے تئیں دا لاک ڈائون کرݨا پوندا تاں معاشی صورتحال جیڑھی پ??لے ہی ابتر ہئی، وچ اساکوں مزید اوکھ دا سامݨا پوندا ، اﷲ دا شکر اے جو اساکوں اوکھے ویلھے توں بچائے ، پتہ نی جو تریجھی لہر کتھاں تئیں ویسی ، یورپ اچ ویکسین دے باوجود لاک ڈائون اے ایں کیتے ع??ام کوں چاہیدے جو او ایس او پیز تے ع??لدرآمد یقینی بݨاون ، ایندے اچ انہاں دا تے اساں ساریں دا فیدہ اے جے کورونا اٻیا کھنڈ ڳیا تاں لاک ڈائون کرݨ تے مجبور تھی ویسوں ۔ وزیراعظم آکھیے جو ساری دنیا اچ لوک کورونا توں متاثر ہن لیکن غریب عوام تے ایندا اثر ودھ تھئے ۔
