اسلام آباد۔15اپرېل(اے پی پی)وزیراعظم عمران خان وئيلي دي مونږ پاكستان كښې د قانون سرلوړۍ له كوټلې هڅې كوؤ په كومو كښې به چې كه لوئے څښتن ته منظور وي كامياب شؤ۔ تر كومې چې طاقتور د قانون تابع كړې شوې نه وي تر هغه هېواد پرمختګ كولے نه شي۔ غريب سړے كه هر څومره غلا وكړي لندن كښې ځائېداد اخستې نه شي۔ كرپټ خلقو د هېواد پېسه لوټ كولو سره بهر وړلې ده۔ د مدينې رياست اصول خپلولو سره به پاكستانې قوم يو عظيم اولس جوړ شي۔ مستحق او بې وزله زده كوؤنكو له به وفاقي حكومت هر كال د 5 نيم اربه روپو 70 زره وظيفې وركوي۔ د پنجاب او خېبر پختونخوا حكومتونه به هم هر كال 15 ٬ 15 زره سكالرشپس وركوي۔ د دې خيالاتو څرګندونه هغه د زيارت په ورځ د رحمت العالمین سکالرشپ پروګرام دستورې ته خطاب كښې وكړه۔ وزیراعظم ووئيل د سكالرشپ پروګرام په معارفي كولو د پنجاب حكومت ستائنه كوم۔ خېبر پختونخوا او وفاقي حكومت هم په دې پروګرام عمل كوي۔ وزيراعظم هره صوبه كښې د دې پروګرام رامخې ته كولو كښې خپله خوښي ښكاره كړه۔ وزيراعظم ووئيل نبی کریم ﷺ د نړۍ د تاريخ تر ټولو عظيم انسان دے ٬ نه خو د هغوي په شان څوك راغلي دي او نه به راشي۔ كومې عظيمې كاميابۍ چې هغوي ترلاسه كړي بل چا نه دي۔ مونږ د هغوي تعليمات د خپل ژوند په بېلو څانګو كښې نه دي نافذ كړې۔ د مدينې رياست اصول زمونږ په زړه پورې لارښودنه كولې شي۔ زمونږ حكومت دا غواړي چې د نبي كريم ﷺ تعلیمات او د هغوي نمونه په ژوند كښې شامل كړي۔ نبی کریم ﷺ د مدینې منورې اسلامي رياست كښې د قانون سرلوړي او فلاحي رياست په ځائې كړو او تعليمي اېمرجنسي ئې نافذ كړه۔ كله چې غزوه بدر كښې كافران ګېر شول نو د يو يو بنديوان خوشې كولو په بدل كښې ئې 10 مسلمانانو ته د ښودنې شرط كېښودلو او علم ته ئې ترجيح وركړه۔ اسلام علم ترلاسه كولو ته د عبادت درجه وركړه او له دې كبله تر پېړو د نړۍ نوموړي سائنسدانان مسلمانان وو كومو چې په هره څانګه كښې د مسلمانانو لارښودنه وكړه۔ وزيراعظم ووئيل نبي كريم ﷺ رحمت اللعالمین جوړ كړے شوے رالېږلے شوے و۔ د هغوي په نوم پېل كېدونكې دا وظيفې يوازې د مسلمانانو لپاره نه بلكې دې نه هېواد كښې د كوم هم مذهب زده كوؤنكي استفاده كولې شي۔ دا سكالرشپس به په مېرټ وركولې شي او دې لپاره به آن لائن خواستونه ترلاسه كولې شي۔ وفاقي حكومت به هر كال د 5 نيم اربه روپو 70 زره وظيفې وركوي۔ تر 5 كالو به دا وظيفې وركولې شي۔ د دې پروګرام له مخې به د 28 اربه روپو 3 نيم لكه سكالرشپس وركولې شي۔ د پنجاب اور خېبر پختونخوا حكومت به هم د يو يو ارب روپو 15 ٬ 15 زره سكالرشپس وركوي۔ دغسې 5 كاله كښې به دواړه صوبې 75، 75 زره وظيفې وركوي۔ وزیراعظم ووئيل په كومه ټولنه كښې چې قانون ته سرلوړي ترلاسه نه وي هغه ټولنه پرمختګ كولې نه شي۔ نبی کریم ﷺ فرمائيلي تاسو نه وړاندې قامونه ځكه تباه شول چې هغوي به طاقتور قانون سره نه مخ كول او قانون يوازې بې وزله خلقو لپاره وو۔ وزیر اعظم ووئيل غريب سړے كه هر څومره هم غلا وكړي په لندن كښې جائيداد اخستے نه شي بلكه كرپټ او مالداره خلق نه يوازې هېواد لوټ كوي بلكې دا بهر هېوادونو ته منتقل كولو سره يو په دوه زيان كوي۔ د ملګرو ملتونو د رپورټ له مخې هر كال زر اربه روپۍ د غريبو هېوادونو نه لوټ كېدو سره د ټېكس غلا كوؤنكو جنت ته ځي۔ د هېلت انشورنس په اړه وزیراعظم ووئيل دا آساني به پنجاب او خېبر پختونخوا كښې هر يو وګړي ته وركولې شي۔ د احساس پروګرام له مخې د پناه ځايونو كښې مستحقو وګړو ته خوراك او د استوګنې آساني وركولې شي۔ هغه ووئيل حكومت ” میلز آن ویلز” پروګرام پېل كړے دے دغسې چې څوك نهر اوده نه شي۔ هغه ووئيل مونږ له به ټولنه كښې د علم طلب پېدا كول وي دغسې چې پاكستانې قوم د مدينې رياست په اصولو تللو سره يو عظيم قام جوړ شي۔ دې نه وړاندې د تعليم او پېشه ورې تربيې وفاقي وزير شفقت محمود ووئيل د انسانیت په نامه اولنې پېغام د تعليم دے۔ اسلام د تعليم په وده زور راوړي۔ د تعليم نه غېر كومه ټولنه پرمختګ كولے نه شي۔ په فلاحي رياست كښې تعليم ته بنيادي حېثيت ترلاسه دے۔ هغه ووئيل په اسلامي ټولنه كښې تعليم په هر سړي او مېرمن فرض دے۔ هغه ووئيل رحمت اللعالمین سکالرشپ كښې 50 فیصد انجونو لپاره دي۔ دې سکالرسپس لپاره 27 اربه روپۍ بېلې كړې شوي دي۔ دا سكالرشپس پروګرام به د پاكستان 129 پبلک سېکټر پوهنتونونو ته وركولې شي۔ دستورې ته د پنجاب اعلی وزير عثمان بزدار هم خطاب وكړو۔ هغه ووئيل د وظيفو سپېځلي وېش له وېب پورټل لانچ كړے شوے دے۔ د خېبر پختونخوا وزیراعلیٰ محمود خان ووئيل صوبه كښې د هائیراېجوکیشن کمېشن تر سېوري لاندې د 34 کروړه روپو سكالرشپ پروګرام پېل كړے شوے دے۔ هغه ووئيل د وزيراعظم د ويژن له مخې به هر يو عام او بې وزله وګړې زده كړې ترلاسه كړې شي۔ هغه ووئيل په رحمت اللعالمین سکالرشپ پروګرام كښی به صوبائي حكومت هم خپله برخه اچوي۔
هېواد تر هغه وخت پرمختګ كولے نه شي تر كومې چې طاقتور خلق د قانون تابع نه كړې شي۔ وفاقي حكومت به بې وزله زده كوؤنكو له هر كال د 5 نيم اربه روپو 70 زره سكالرشپس وركوي۔ وزيراعظم عمران خان
مضمون کا ماخذ : لاٹری کی پیشگوئی
متعلقہ مضامین
