اسلام آباد۔29ستمبر(اے پی پی) ترج??ان دفتر خارجہ آکھیے پاکستان مشرق وسطیٰ اچ اسرائیل دی ودھدی مہم جوئی دی شدید مذ??ت کریندے ،شہری آبادیاں تے اسرائیل دے بے لگام حملے اتے بین الاقوامی قوانین دی پامالی تشویشناک حد تئیں پڄ چکی اے ۔دفتر خارجہ توں اتوار کوں جاری اعلامیہ اچ ترج??ان دفتر خارجہ آکھیے جو گزریل کئی ݙینھاں توں اسرائیلی افواج لبنان دی خودمختاری دی ناقابل قبول خلاف ورزی، شہری آبادی دے مراکز کوں مسلسل نشانہ بݨاوݨ، ایندے استحکام تے سلامتی کوں ضیان پڄاوݨ ??چ مصروف ہن ۔ پاکستان اسرائیلی جارحیت دے متاثرین دے اہل خانہ اتے لبنان دے عوام نال تعزیت کریندے، انھاں آکھیے لبنان اچ حزب اللہ دے سیکرٹری جنرل کوں قتل کرݨ دا گزریل ݙینھ دا اسرائیل دا غیر محتاط عمل پہلے توں ہی عدم استحکام توں ݙوچار خطے اچ ھک وݙا ودھارا اے ۔ترج??ان دفتر خارجہ آکھیے پاکستان لبنان دے عوام نال یکجہتی کریندے ۔ پاکستان اقوام متحدہ دی سلامتی کونسل تے زور ݙتا جو اسرائیل کوں خطے اچ ایندی مہم جوئی اتے بین الاقوامی قوانین دی خلاف ورزیاں توں روکیا ونڄے تے مشرق وسطیٰ اچ امن بحال کیتا ونڄے۔
