لاہور۔14 ستمبر(اے پی پی )وفاقی وزیر ریلوے شیخ رشید احمدآکھیے جو شہباز شریف ولا مارکیٹ اچ آندے پین، انہاں دی پوزیشن بھرا بھتریجی توں چنگی اے او مذاکرات اتے معاملات طے کرنڑ دا ماہر اےاتے رابطیاں اچ وی ہے،عثمان بزدار کتھائیں نئیں ویندا پیا،اکتوبر اچ وفاقی کابینہ اچ تبدیلی دا امکان اے،مولانافضل الرحمان کوں اسلام آباد آندا نئیں ڈیہداپیاں۔اے گالھ انہاں لہور اچ ہک پریس کانفرنس کریندے آکھی۔ انہاںا ٓکھیا جو میڈی وزیراعظم نال کجھ غلط خبراں دے حوالے نال گالھ تھئی اے بھل انہاں واضح کر ڈتے جو کیا تھیندا پئے،کیاتھیسی اتے کیاں نئیں تھیونڑاں۔انہاں آکھیا جو میں مولانا عبد الغفور حیدری دے ہتھ مولانا فضل الرحمان کوں سنیہا پٹھیے جو جلدبازی نہ کرو،(ن) لیگ اتے پیپلز پارٹی وی ڈانواں ڈول ہین،امید اے جو دینی مدارس سیاست دی بھینٹ نہ چڑھسن جیکر نوازشریف اتے زرداری وی نال کائنی تاں انہان دے اسلام آباد آونڑ دا کیہڑا فیدہ اے۔ انہاں آکھیے جو اکتوبراچ ایم ایل ون منصوبے تے دستخط تھیسن ، کوششاں دے باوجود ریلوے افسران اچ دھڑے بندی نہ مکوا سگیا،فریٹ سیکٹر نجی شعبے کوں ڈیونڑ دی پیشکش کیتی اے ،ساڈی ڈیمانڈ 40ارب رپوے اے جیکر 35توں36ارب دی گالھ چلی تاں معاہدہ کر گھنسوں۔انہاں واضح کیتے جو نہ اسرائیل کوں منڑ دی کوئی تجویز اے اتے نہ ہی بھارت نال کوئی انڈر دی ٹیبل مذاکرات چلدے پین۔انہاں آکھیے جو پاکستان جنگ نئیں چاہندا جیکر بھارت دا جنگی بھوت نہ لتھا تاں اساں وی تیاری کیتی ہوئی اے جو
ساکون پتہ اے جو کتنا مصالحہ استعمال کرنڑے،پاک فوج وی تیار اے اتے قوم وی بھارت نال بھڑن کوں بیتاب اے۔
شہباز شریف ولا مارکیٹ اچ آندا پئے، عثمان بزدار کتھائیں نئیں ویندا پیا،اکتوبر اچ وفاقی کابینہ اچ تبدیلی دا امکان اے،وفاقی وزیر ریلوے شیخ رشید احمد دی پریس کانفرنس
مضمون کا ماخذ : خوش قسمت لڑکی
متعلقہ مضامین
