اسلام آباد ۔ 18 اګست (اے پی پی) د حكومت د دوو كالو كاركردګۍ رپورټ جاري كولو په موقع د نهې په ورځ ميډيا سره خبرو كښې د وزيراعظم د خزانې صلاحكار ډاكټر عبدالحفيظ شېخ ووئيل كله چې د پي ټي آئي حكومت جوړ شو نو معيشت ستونزو سره مخ ؤ ۔ بهرنۍ او داخلي خساره تر ټولو لوړې كچې ته رسېدلې وه۔ د تېرو 5 كلونو په مهال د برآمدات شرح نمو صفر وه۔ د وزیراعظم عمران خان په مشرۍ كښې وفاقي حكومت د تل پاتې اقتصادي پرمختګ پرېكړه وكړه چې په نتيجه كښې ئې خساره 20 اربه ډالره نه تر 3 اربه ډالره كمه كړې شوه۔ده ووئېل د اقتصادي ستونزې يو سبب د حكومت زياتېدونكي خرڅونه وو۔حكومت تېرو دوه كلونو كښې خرڅونه په سختۍ سره كنټرول كړي ۔ د كابينې غړو تنخاګانو ٬ د ايوان صدر او د وزيراعظم خرڅونو كښې كمي سره سره پوځي او سول بجټ كم كړے شوے۔ بياهم په پرمختيائي خرڅونو كښې زياتوالې روان ساتلے شوے۔ ده ووئيل د كورونا وباﺀ په مهال د پېښو چېلنجونو په حقله وزيراعظم عمران خان هدايت كړے چې د وباﺀ د لاسه دې د عامو وګرو ژوند ونه ځپلے شي۔ په دې لړ كښی حكومت د 1240 اربه روپو پېكج وركړے۔ حفیظ شېخ ووئيل د پاكستان تحريك انصاف حكومت د تېرو دوو كلونو په مهال د ماضي قرض په مد كښې د 5 زره اربه روپو ادائيګي كړې۔ ده ووئيل د نړۍ تاريخ نه دا معلومېږي چې كوم هم هېواد نورو هېوادونو سره اړيكې زياتولو نه غېر پرمختګ نه شي كولے۔ ده ووئيل پخوا نه خو مونږ برآمدات زيات كړي او نه پاكستان كښې كېدونكې سرمايه كارۍ ته وده وركړې شوه۔ ده ووئيل د وزيراعظم عمران خان په مشرۍ كښې وفاقي حكومت د تل پاتې اقتصادي پرمختګ پرېكړه كړې چې په نتيجه كښې ئې بهرنۍ تجارتي خساره د 20 اربه ډالره نه تر 3 اربه ډالره راوستې شوې۔ ده ووئيل بهرنۍ خساره كښې ښكاره كمي نه د حكومت د تاريخي كاركردګۍ عكاسي كېږي۔ د خزانې صلاحكار ووئيل د حكومت ریلیف پیکج د نړۍ تر ټولو لوي پروګرام دے كوم كښې چې عام وګړي او كاروبار او صنعت له ډېرې روپۍ بېلې كړې شوې ۔ ده ووئيل درحكومت دوه كلنه تاريخ ډېر په زړه پورې دے او په دې كښې خلقو ته 250 اربه روپۍ د مرستې په توګه وركړے شو۔ ده ووئېل د كورونا ريليف پېكج ترسېوري لاندې يو كروړ 60 لكه كورنيو سره مالي مرسته شوې ۔ ده ووئيل حكومت د اېس اېم ايز د څانګې د برېښنا د درېو مياشتو بلونه پخپله ادا كړي دغسې چې كاروبار ترقي وكړې۔ حفیظ شېخ ووئيل د كركيلې څانګې له هم حكومت 280 اربه روپۍ وركړې۔ ده ووئيل د كورونا وائرس په مهال د حكومت د ريليف پېكج نړيواله ورورولي اعتراف كوي۔ موډيز ٬فچ او آئي اېم اېف هم خپلو راپورونو كښې د دې ګامونه اعتراف او ستائنه كړې ۔ ده ووئيل د تېرو دوو كلونو په مهال غېر ملكي سرمايه كارۍ كښې 188فیصده اضافه شوې۔ پاکستان سټاک مارکیټ كښې 47 فیصده اضافه شوې ۔ ده ووئيل بلومبرګ پاكستان سټاك ماركيټ د نړۍ تر ټولو غوره سټاك ماركيټ ګرځولے۔ ده ووئيل اېف بی آر د يوې مياشتې په مهال د 300 اربه روپو ټېكس وصول كړے كوم چې د تېر كال دومره مودې په مقابل كښې 23فیصده زيات دے۔ ده ووئيل د کورونا وائرس وبا نه وروستو د پاكستان سټاك ماركيټ كښې 40 فیصد هاضافه شوې ۔ دې څخه د قومي معيشت مخ په وړاندې تګ رامخې ته كېږي۔ ډاكټر عبد الحفيظ شېخ ووئيل د وزيراعظم عمران خان تر ټولو لويه ترجيح د پاكستان اولس دے او د هغه د وژن له مخې مونږ په اولس پېسه مصرف كوؤ۔ ده ووئيل حكومت پخوانو قبائلي سيمو ته 192اربه روپۍ او يوټېلېټي سټورز ته د 50 اربه روپو سبسډي وركړې۔ دغسې د تېر رمضان مباركې مياشتې په مهال د 15اربه روپو ريليف وركړے شوے۔ حکومت د ګاز 90 فیصده صارفینو له سبسډي او د كركيلې په ټيوب وېلز هم سبسډي وركړې ۔ ده ووئيل د تېلو نړيوالو قيمتونو كښې د كمي ګټه هم اولس ته وركړې شوې۔ ده ووئيل مونږ ټول په ګډه د اولس خواهشونه ترسره كولے شؤو۔ ده ووئيل د پاكستان جوړېدو له زمونږ پلار نيكه ځانګړې قربانۍ وركړي چې په نتيجه كښې ئې كال 1947ء كښې دا خوب ريښتيا شو۔ ده ووئيل موقعه ده چې مونږ د عمران خان په ډول لارښود سره په ګډه د اولس پرمختګ له ګامونه پورته كړو۔ ده ووئيل حكومت به د هېواد تل پاتې معاشي پالېسۍ او تل پاتې پرمختګ له ګامونه پورته كول دغسې روان ساتي۔
حكومت د تيرو دوو كلونو په مهال اسټېټ بېنك نه كوم قرض نه دے اغستے۔ مېكرو اكانومي مو مستحكمه كړې ۔ د قامي معيشت په اړه مو په ځائي او بهرنيو اندېښنو قابو موندلے۔ د ټېكس وصولۍ شرح 17 فیصده زياته شوې
مضمون کا ماخذ : لاٹری ایپ کی تجزیات
متعلقہ مضامین
