لاهور۔31مارچ (اے پی پی) وزيراعظم شهباز شريف د ايسټر په موقع د پاكستان او ټولې نړۍ مسيحي ټولنې ته د زړه له كومي مبارکي وړاندې كړې او وئيلي ئې دي چې د ايسټر ورځ مونږ ته د حضرت عيسٰى عليه السلام د مينې، زغم او بخښنې په پېغام د غور كولو او د دې اقدارو د خپلولو موقعه راكوي٬ هم دا اقدار خپلولو سره مونږ زياتې شخړې لرونكې نړۍ د امن او مينې مركز جوړولې شوو۔ وزيراعظم د ايسټر 2024 په موقعه خپل پېغام كښې ووئيل د خوشحالۍ په دې موقعه د پاكستان په جوړوېدو او د دې په سماجي او اقتصادي پرمختګ كښې د خپلو مسيحي ورونړو په مهم كردار ترسره كولو هغوي ته د د عقيدت پېرزوينې وړاندې كوم او هيله لرم چې هغوي به د پاكستان په پرمختګ او استحكام كښې خپل كردار لوبولو ته دوام وركړي۔ ده ووئيل په دې ویاړو چې پاکستان د بېلو عقيدو او كلتورونو يو ښكلے امتزاج دے ٬ راځۍ چې په ګډه د یوې زغم او همغږۍ لرونكې ټولنې جوړولو لپاره کار وکړؤ، راځئ چې د دې ملت مخالفت قوتونو ته ماتې ورکړؤ۔ ده ووئيل نن یو ځل بیا د خپلو ټولو اقلیتونو د ټولنیز پرمختګ او خېر ښېګړې لپاره د کار کولو خپل عزم تکراروو٬ ټولو مسیحیانو ته دې سولييز ايسټر مبارك وي۔
د ايسټر ورځ مونږ ته د حضرت عيسٰى عليه السلام د مينې، زغم او بخښنې په پيغام د غور كولو او د دې د خپلولو موقعه راكوي٬ وزیر اعظم شهباز شریف
مضمون کا ماخذ : loteria آن لائن confiável
متعلقہ مضامین
