اسلام آباد۔9اکتوبر (اے پی پی) کابینہ کمیٹی برائے توانائی بجلی دی پیداوار اتے خرید کیتے انڈپینڈنٹ ملٹی پلئیر مارکیٹ ٻݨاوݨ دی م??ظوری ݙے ݙتی اے۔ ایں ادارے نال پاکستان اچ بجلی دی ہک موثر اتے شفاف مسابقتی مارکیٹ ٻݨائی ویسی۔ ایں ادارے نال ڳھٹ لاگت بجلی دی پیداور اتے ترسیل دے نظام کیتے طویل المدتی م??صوبہ بندی کیتی ویسی۔ وزیر اعظم آفس دے میڈیا ونگ توں جاری بیان موجب وزیرِ اعظم محمد شہباز شریف دی صدارت کابینہ کمیٹی برائے توانائی دا اجلاس بدھ کوں تھیا جئیں اچ ملک دے توانائی شعبے دی اصلاحات کیتے وݙا قدم چیندیں ہوئیں بجلی دی پیداوار اتے خرید کیتے ہک انڈپینڈنٹ ملٹی پلئیر مارکیٹ ٻݨاوݨ دی م??ظوری ݙتی ڳئی۔ اجلاس اچ کابینہ کمیٹی انڈپینڈنٹ سسٹم اینڈ مارکیٹ آپریٹر (آئی ایس ایم او) ٻݨاوݨ دی اصولی م??ظوری ݙے ݙتی جئیں د?? ک??بینہ توں توثیق کیتی ویسی۔ آئی ایس ایم او کوں کمپنیز ایکٹ 2017 دے تحت ایس ای سی پی نال رجسٹر کیتا ویسی۔ آئی ایس ایم او حکومت دے ملک اچ بجلی دے واحد خریدار دے کردار کوں ڳھٹ کرتے بجلی دی مارکیٹ کوں ملٹی پلیئر انڈپینڈنٹ مارکیٹ اچ بدل ݙیسی۔ ایں ادارے نال پاکستان اچ بجلی دی ہک موثر اتے شفاف مسابقتی مارکیٹ ٻݨائی ویسی۔ ایں نظام نال بجلی دے صارفین کوں تقسیم کار کمپنیاں دے علاوہ ٻئے سپلائرز توں بجلی ڳھنݨ دی سہولت ݙتی ویسی۔ بریفنگ اچ ݙسیا ڳئیا جو آئی ایس ایم او ٻݨݨ نال بجلی دے شعبے اچ گردشی قرضے اتے بجلی دے نرخ ڳھٹ ویسن۔ آئی ایس ایم او دے بورڈ اچ بجلی دے شعبے دے ماہرین دی شمولیت یقینی ٻݨائی ویسی۔ اجلاس کوں بجلی دے شعبے دے گردشی قرضیاں بارے بریفنگ ݙتی ڳئی۔ وزیراعظم آکھیا جو پاکستان دے بجلی شعبے دی اصلاحات کیتے ترجیحی بنیاداں تے اقدامات کریندے پئیوں۔ وزیراعظم ہدایت کیتی جو بجلی شعبے اچ چوری اتے نق??انات کوں ڳھٹ کرݨ کیتے اقدمات تیز کیتے ونڄن۔ اجلاس اچ وزیر خزانہ محمد اورنگزیب، وفاقی وزیر منصوبہ بندی تے ترقی احسن اقبال، وفاقی وزیر اقتصادی امور احد خان چیمہ، وفاقی وزیر توانائی سردار اویس احمد خان لغاری، وفاقی وزیر پٹرولیم مصدق مسعود ملک، وزیر مملکت برائے پاور و فنانس علی پرویز اتے کابینہ کمیٹی برائے توانائی دے ٻئے ارکان شریک ہن۔
کابینہ کمیٹی برائے توانائی بجلی دی پیداوار اتے خرید کیتے انڈپینڈنٹ ملٹی پلئیر مارکیٹ ٻݨاوݨ دی منظوری ݙے ݙتی اے
مضمون کا ماخذ : خوش قسمتی کا رش
متعلقہ مضامین
