اسلام آباد۔4اکتوبر(اے پی پی) وزیراعظم دے کوآرڈینیٹر صحت ڈاکٹر مختار احمد بھرتھ آکھیے صحت دے شعبہ اچ اصلاحات سا??ا مشن اتے معیاری خدمات ݙیوݨ ترجیحی ایجنڈا اے، آغا خان یونیورسٹی دی سانجھ نال پورے ملک اچ صحت دی ݙکھ بھال دا معیار چن??اں کرݨ سانڳے تعاون دی لوڑھ اے ۔ اے ڳالھ انھاں آغا خان یونیورسٹی دے صدر سلیمان شہبا ب الدین کوں ملاقات اچ آکھی ۔ ملاقات اچ صحت دی ݙیکھ بھال دے شعبہ اچ نجی و سرکاری شراکت داری دے امکانات تے ڳالھ مہاڑ کیتی ڳئی ۔ ایں موقع تے وفاقی سیکرٹری صحت ندیم محبوب وی موجود ہن۔ وزیراعظم دے کوآرڈینیٹر قومی صحت آغا خان یونیورسٹی دے صدر دا خیرمقدم کیتا اتے صحت دے شعبہ دی ترجیحات سانڳے تعاون ودھاوݨ دی لوڑھ تے زور ݙتا۔ سلیمان شہاب الدین آکھیے آغا خان یونیورسٹی پاکستان دے ہیلتھ کیئر ریگولیٹری فریم ورک کوں بین الاقوامی معیار موجب ??ݨاوݨ اچ تعاون تے معیاری طبی صحت دیاں سہولتاں یقینی بݨاوݨ اچ سرکاری شعبہ دی معاونت سانڳے تیار اے ، انھاں آکھیے جو آغا خان یونیورسٹی افرادی قوت دی ترقی تے بہتری سانڳے ٹیکنیکل سپورٹ ݙے سڳدی اے ۔ڈاکٹر مختار احمد بھرتھ آغا خان یونیورسٹی دی طرفوں جناح میڈیکل کمپیلکس اسلام آباد دے منصوبے اچ ٹیکنیکل سپورٹ دی تعریف کیتی ۔ملاقات اچ نرسنگ اتے صحت دے کارکناں دی استعداد سازی تے اہم ڳالھ مہاڑ تھئی ۔ڈاکٹر مختار احمد بھرتھ آکھیے نرسنگ دا شعبہ صحت دے شعبے اچ ریڑھ دی ہݙی دی حیثیت رکھیندے،نرسنگ دے شعبے اچ چنڳائی ویلھے دی اہم لوڑھ اے ، صحت دے شعبے اچ اصلاحات سا??ا مشن اے ،صحت دے شعبے کوالٹی آف سروس سا??ا ترجیحاتی ایجنڈا اتے مشن اے ۔ ملاقات اچ ݙوہیں پاسوں اسلام آباد اچ نویں ہیلتھ یونٹس دے قیام دے امکانات تے وی ڳالھ مہاڑ کیتی ڳئی تے وزارت صحت دی طرفوں اے کے یوکے مستقبل دے منصو??یں تے غور سانڳے موجودہ سہولتاں بارے غور کیتا ڳئے۔
