اسلام آباد ۔ 18 جنوری (اے پی پی) اقوام متحدہ دی جنرل اسمبلی دی صدر ماریا فرنینڈہ اسپنوزا آکھیا جو اقوام متحدہ اپنڑے مینڈیٹ اچ رہ کراہیں کشمیر دے مسئلے کوں حل کرنڑ دی پوری کوشش کریندا پے۔پر امن اتے مستحکم افغانستان پورے خطے سانگے اہم ،افغان امن عمل اچ پاکستان دا اہم کردار اے۔مہاجرین کوں پناہ ڈیونڑ کہیں وی ملک سانگے ہک اہم بوجھ اے،ایجھے ملکاں دی فراخدلی دا اعتراف اتے انہاں کوں معاوضہ ڈیونڑ سانجھی ذمہ واری اے۔جمعہ کوں اتھاں وزارت خارجہ اچ وزیر خارجہ شاہ محمود قریشی نال ملاقات دے بعد سانجھی پریس کانفرنس توں خطاب کریندیں ہوئیں انہاں پاکستانی وزیرخارجہ نال ملاقات کوں بہوں مفید قرار ڈتا اتے آکھیا جو میڈے سانگے پاکستان دا دورہ اعزاز دی گالھ اے۔انہاں آکھیا جو وزیرخارجہ نال ملاقات اچ امیگریشن اتے مہاجرین بارے معاملیاں سمیت کئی معاملیاں تے بحث کیتی گئی ۔وزیرخارجہ شاہ محمود قریشی ملاقات بارے ڈسیا جو ملاقات اچ کئی معاملیاں تے تفصیلی گالھ مہاڑ تھی اے۔
،اقوام متحدہ دی جنرل اسمبلی دی صدر ماریا فرنینڈہ اسپنوزا دی وزارت خارجہ اچ وزیر خارجہ شاہ محمود قریشی نال ملاقات دے بعد سانجھی پریس کانفرنس توں خطاب
مضمون کا ماخذ : resultados loteria São Paulo
متعلقہ مضامین
