اسلام آباد ۔ 2 اکتوبر (اے پی پی) صدر مملکت ڈاکٹر عارف علوی آکھیے جو بھارت ولوں غیر قنونی اتے مقبوضہ کشمیر دی متنازعہ حیثیت اتے ایندی آبادی دے تناسب کوں بدلنڑدے اقدامات اقوام متحدہ دی سلامتی کونسل دی قرارداداں، بین الاقوامی قنون اتے اوندے اپنڑے وعدیاں دی خلاف ورزی ہے، جموں و کشمیر بھارت دا اندرونی معاملہ کائنی، ایہ اقوام متحدہ دی سلامتی کونسل دے ایجنڈے تے پرانڑاں حل طلب بین الاقوامی جھیڑا ہے۔ ایہ گالھ صدر مملکت ملائیشیا دی پارلیمنٹ دے ایوان نمائندگان دے وفد نال گالھ مہاڑ کریندے آکھی۔وفد سپیکر سری داتو محمد عارف بن یوسف دی قیادت اچ بدھ کوں اتھاں ایوان صدر اچ عارف علوی نال ملاقات کیتی۔ قومی اسمبلی دے سپیکر اسد قیصر وی ایں موقع تے موجود ہن۔ صدر مملکت آکھیا جو پاکستان اتے ملائیشیا وچال گھاٹی تے پکی یاری ہے اتے ڈوہائیں ملکاں وچال بھرپی آلے تعلقات ہن ،اتے ڈوہائیں ملکاں وچال تعلقات کوں اعلیٰ سطح دے حالیہ ڈو طرفہ دو راں نال بئے پکے تھئے ہن۔ انہاں آکھیا جو ڈوہائیں ملک اہم عالمی امور تے ہکو جیا موقف رکھیندن اتے ہک بئے دی حمایت کریندن۔ ڈوطرفہ تعلقات کوں آندے سالاں اچ ڈوہائیں ملکاں دے عوام دے سانجھے فائدے کیتے پکا کیتا ویسی ۔
کشمیر بھارت دا اندرونی معاملہ کائنی، سلامتی کونسل دے ایجنڈے تے پر حل طلب جھیڑا ہے صدر مملکت ڈاکٹر عارف علوی دی ملائیشیا دے ایوان نمائندگان دے وفد نال گالھ مہاڑ
مضمون کا ماخذ : گنہادورس دا میگا سینا
متعلقہ مضامین
