اسلام آباد ۔ 20 فروری (اے پی پی) وزیراعظم عمران خان برطانوی ادارہ برائے بین الاقوامی ترقی (ڈی ایف آئی ڈی)دے بالخصوص تعلیم اتے ہنرمندی دے ودھارے دے کردار دی تعریف کریندے ہوئیں ایں ضمن اچ ادارے نال ساتھ شراکت داری کوں مزید تقویت ڈیونڑ تے زور ڈتے جیرھا جو ملک دے نینگراں کوں روزگار دی فراہمی کیتے بہوں ضروری اے ۔انہاں اے گال برطانوی وزیر مملکت بین الاقوامی ترقی اتے بہبود خواتین پینی مور دانت نال گال مہاڑ کریندے ہوئیں آکھی جنہاں بدھ کوں اتھاں انہاں نال ملاقات کیتی ۔وزیر مملکت دی خصوصی مشیر لین ڈیوڈ سن، پاکستان اچ برطانوی ہائی کمشنر تھامس ڈریو، ڈی ایف آئی ڈی پاکستان دی سربراہ جونا ریت اتے بئے حکام وی انہاں دے رلے ہن ۔ چیئرمین سرمایہ کاری بورڈ ہارون شریف، وزیراعظم دے معاون خصوصی نعیم الحق، سیکرٹری داخلہ اتے بئے وی ملاقات اچ شریک ہن ۔ وزیراعظم بالخصوص تعلیمی شعبہ اتے پیشہ ورانہ ترقی دے شعبے اچ پاکستان دے نال مسلسل وابستگی تے ڈی ایف آئی ڈی دی تعریف کیتی ۔ انہاں پیشہ ورانہ ترقی اچ شراکت داری کوں مزید مضبوط بنڑاونڑ تے زور ڈتا جیرھا جو ملک دے نینگراں دے روزگار کیتے بہوں اہم اے ۔ ملاقات اچ علاقائی صورتحال تے وی گال مہاڑ تھئی ۔
وزیراعظم عمران خان نال برطانوی وزیر مملکت بین الاقوامی ترقی اتے بہبود خواتین دی ملاقات
مضمون کا ماخذ : میٹھا بونانزا
متعلقہ مضامین
