اسلام آباد ۔ 23 نومبر (اے پی پی) وزیرا??ظم عمران خان پاکستان ریلوے ولوں چار نویاں ٹریناں چلاونڑ دا افتتاح کر ڈتے، انہاں دا آکھنڑ ہا جو ملک دشمن عناصر پاک چین تعلقات، تاریخی معاہدیاں اتے سی پیک کوں خراب کرنڑ چاہندن،کوئی سازش کامیاب نہ تھیونڑ ڈیسوں،ریلوے سودھی سرکاری اراضی کوں استعمال کرتے ملک کوں مالی طور تے بیا مستحکم کیتا ویسی،قیمتی زرمبادلہ دے حصول کیتے اوورسیز پاکستانیاں کوں سرکاری اراضی کمرشل استعمال کیتے ڈتی ونج سگدی اے،ایم ایل ون منصوبہ نال پاکستان کوں بہوں فیدہ تھیسی،ریلوے سودھے بئے اداریاں اچ میرٹ تے بھرتیاں کیتاں ویسن،قومی اداریاں اچ کرپشن اتے سیاسی بھرتیاں دا بھارمہانگ دی شکل اچ عوام کوں چاونڑا پوندے، سرکاری کارپوریشنز دی بحالی اتے ترقی کیتے جامع منصوبہ بنڑایا ویندا پئے۔وزیرا??ظم عمران خان آکھیا جو ریلوے ترائے مہینے اچ ڈاہ نویاں ٹریناں شروع کیتن،ڈیڈھ ارب روپے منافع کٹھا کیتے جیندے تے وف??قی وزیر کوں مبارک ڈینداں۔انہاں کہیں وی ملک دی ترقی اچ ذرائع مواصلات اتے خاس کر ٹریناں دی اہمیت تے وی گالھ مہاڑ کیتی جو ریلدا س??ر غریب اتے کمزور طبقہ کریندے،جتنا سفر سوکھا ہوسی ترقی وی اتنی چنگی تھیسی۔انہاں آکھیا جو کوئی وسائل دی کمی نال نئیں بھل احساس دے کھٹیپے نال غریب تھیندے، ساکون اپنرا احساس جگاونڑ دی لوڑھ اے۔وزیرا??ظم آکھیا جوچین نال معاہدے ظاہر نسے کرسگدے اے ضرور ڈسا سگدے ہیں جو اے بہوں چنگے اتے زبردست ہین، اج دا وقعہ وی پاک چین سنگت کوں خراب کرنڑ دی ناکام کوشش اے جیندے نال ساڈا عزم ترٹیا نئیں بھل بیا ودھیے۔تقریب اچ وف??قی وزیرریلوے شیخ رشید احمد، وف??قی وزیر اطلاعات و نشریات چوہدری فواد حسین، وف??قی وزیر امور کشمیر، گلگت و بلتستان امین گنڈاپور ، وزیرا??ظم دے ترجمان افتخار درانی سودھے کابینہ دے اراکین وی موجود ہن۔
ملک دشمن عناصر پاک چین تعلقات، تاریخی معاہدیاں اتے سی پیک کوں خراب کرنڑ چاہندن،کوئی سازش کامیاب نہ تھیونڑ ڈیسوں، وزیراعظم عمران خان
مضمون کا ماخذ : ہیوگو 2
متعلقہ مضامین
