اسلام آباد۔05اپریل(اے پی پی)اسلام آباد اچ پریس کانفرنس کریندے ہوئیں وزیر شاہد خاقان عباسی ملک اچ ٹیکس نہ ڈیونڑ آلیاں کوں ٹیکس نیٹ اچ گھن آونڑ کیتے ٹیکس ایمنسٹی سکیم دا اعلان کیتے۔ انہاں دا آکھنڑ ہا جو ٹیکس گزاراں دی محدود تعداد معاشی مسائل پیدا کریندی پئی اے، انکم ٹیکس نہ ڈیونڑ نال قومی خزانے تے بوجھ پوندے، ایں سانگے ٹیکس اصلاحات دے تحت انکم ٹیکس دی شرح گھٹ کرنڑ دا فیصلہ کیتے جیہڑی مرحلہ وار گھٹ کیتی ویسی،ایں ویلھے صرف ست لکھ لوک ٹیکس ڈیندن،ملک اچ بارہاں کروڑ لوکاں کولوں قومی شناختی کارڈ ہے، ہنڑ ہر شناختی کارڈ رکھنڑ آلا بندہ ٹیکس گذار ہوسی اتے ہک ٹیکس فارم بھر تے ایں سکیم توں 30جون تئیں فیدہ چا سگسی۔انہاں آکھیے جو ماہانہ ہک لکھ روپے کماونڑ آلیاں تے ٹیکس نہ لگسی،12 توں 24 لکھ آمدن تے 5 فیصد ، 24 توں 48 لکھ آمدن تے 10 فیصد جڈاں جو 48 لکھ توں ودھ آمدن تے 15 فیصد ٹیکس ڈیونڑاں ہوسی۔وزیراعظم آکھیے جو سیاسی لوک سکیم توں فیدہ نہ چا سگسن،جیہڑا ٹیکس ایمنسٹی گھنسی او ٹیکس نیٹ اچ نہ آسی ،آف شور کمپنی اثاثہ اے اوکوں وی ظاہر کرنڑاں پوسی۔شاہد خاقان عباسی آکھیے جو ٹیکس وصولیاں کیتے ٹیکنالوجی استعمال کیتی ویسی،جیں سکیم توں فیدہ نہ چاتا او آپ قانون دی وٹھ اچ آ ویسی۔ پریس کانفرنس اچ وزیراعظم دے مشیر برائے خزانہ مفتاح اسماعیل اتے وزیر مملکت برائے اطلاعات و نشریات مریم اورنگزیب وی وزیراعظم دے نال موجود ہن۔
حکومت دا پنج نکاتی ٹیکس اصلاحات دا اعلان، ٹیکس نہ ڈیونڑ آلے شہریاں کیتے 30 جون تئیں ٹیکس ایمنسٹی سکیم متعارف کراڈتی
مضمون کا ماخذ : الوہا کلسٹر ادائیگی کرتا ہے۔
متعلقہ مضامین
