اسلام آباد 11 نومبر (اے پي پي) وزیراعظم عمران خان سره د ایران خارجه وزیر ډاکټر جواد ظریف د شورو په ورځ ليدلي دي ۔ وزیراعظم د ايران د خارجه وزير هركلي كولو سره ووئيل دواړه هېوادونه د ورورولۍ نزدې اړيكې لري او شريكې ګټې له دوه اړخيزه مرسته لا قوي كول غواړي۔ د وزیراعظم میډیا آفس له مخې په دې موقع وزیراعظم د کوویډ 19 له امله په ايران كښې په قېمتي ځاني زيان د غمرازۍ څرګندونه وكړه۔ ده ووئيل د پاكستان حكومت لخوا د سمارټ لاك ډاون لائحه او د نورو اقداماتو په سبب پاكستان كښې په وباء قابو موندلو له مرسته تر لاسه شوې ۔ وزیراعظم د دواړو هېوادونو ترمېنځه په دوه اړخيزه مرسته په خاص د توګه تجارتي او اقتصاددي اړيكو د زياتولو په حاجت زور راوړے۔ ده په منطقه كښې د امن٬ سلامتيا او پرمختګ ودې لپاره په ګډه د كار كولو اهميت هم رامخې ته كړو۔وزیراعظم افغانستان كښې امن او استحکام كښې سهولت لپاره د پاكستان هڅې رامخې ته كولو سره ووئيل افغان مسئله كوم پوځي حل نه لري٬ پاكستان د افغانانو په مشرۍ كښې د امن د عمل ملاتړ كوي۔ ده هيله څرګنده كړه چې افغانستان كښې به ټولې ډلې د كشالې سياسي حل لپاره دا تاريخي موقع پكار راولي۔ وزیراعظم ووئيل افغانستان كښې امن د ټولې منطقې په ګټه دے او دې سره به سيمه ايز تجارت٬ اقتصادي مرسته او د رابطه كارۍ نوې موقعې راپېدا شي۔ په دې موقع ډاکټر جواد ظریف د ايران صدر لخوا وزیراعظم عمران خان سره په ګډه په بېلا بېلو څانګو كښې د دوه اړخيزه مرستې لا قوي كولو لپاره د كار كولو د عزم څرګندونه وكړه۔ ده د كشمير په اړه د ايران د پوخ ملاتړ د عزم پخلے هم وكړو۔(GUL/ZIA/2201)
وزیراعظم عمران خان سره د ایران خارجه وزير ډاکټر جواد ظریف ملاقات
مضمون کا ماخذ : لاٹری ٹکٹ کے فوائد
متعلقہ مضامین
