نیویارک۔28ستمبر(اے پی پی) وزیر اعظم محمد شہباز شریف نیویارک دا پنج ݙینھ دا دورہ مکمل کرݨ دے بعد وطن واپس روانہ تھی ڳئن ۔ آپݨے دورے اچ انھاں اقوام متحدہ دی جنرل اسمبلی تو?? خطاب سودھے مخلتف ملکاں دے سربراہان مملکت نال ݙو پاسے ملاقاتاں کیت?? ، ??نھاں کوں ایئرپورٹ تے اقوام متحدہ اچ پاکستان دے مستقل مندوب منیر اکرم، امریکہ اچ پاکستان دے سفیر رضوان سعید شیخ، نیویارک اچ قونصل جنرل عامر اتوزئی اتے اقوام متحدہ اچ نائب مستقل مندوب عثمان جدون الوداع کیتا۔21 منٹ دے اپݨے وسیع ت??اظراچ کیتے ڳئے خطاب اچ وزیراعظم شہباز شریف اقوام متحدہ دی جنرل اسمبلی دے 79ویں اجلاس دے ایجنڈے دے سارے اہم امور دا احاطہ کیتے جیں اچ فلسطین اتے جموں و کشمیر سودھے پراݨے مسئلیں کوں حل کرݨ دا بھرپور مطالبہ کیتے ، انھاں سیشن دے موقع تے کئی سربراہی اجلاس اچ وی شرکت کیتی جیں اچ سطح سمندر اچ بلندی نال پیدا تھیوݨ آلے موجودہ خطریں تے اعلی سطحی اجلاس تے لیڈر شپ فار پیس تے اقوام متحدہ دی سلامتی کونسل دی کھلی بحث شامل اے۔عالمی رہنماواں نال انھاں دیاں ݙو پاسے ملاقاتاں اچ اقوام متحدہ دے سیکرٹری جنرل انتونیو گوتریس اتے یو این جی اے دے صدر فلیمون یانگ، برطانیہ، ایران، بنگلہ دیش، نیپال اتے مالدیپ دے وفد دے رہنماواں نال عالمی بینک تے بین الاقوامی مالیاتی فنڈ (آئی ایم ایف)دے سربراہان وی شامل ہن ۔ انہاں امریکی تاجراں تے سرمایہ کاراں نال ملاقاتاں اچ وی ڳالھ مہاڑ کیتی۔
