لاهور 29 مئي (اے پي پي) د منصوبه بندۍ او پرمختګ وفاقي وزير احسن اقبال وئيلي دي چې د آئيني مودې ترسره كېدو نه پس به ټاكنې په وخت كېږي٬ د پي ټي آئي اوور سيز سوشل ميډيا د هېواد د دفاعي ادارو په ضد زهرجنه پراپېګنډه كوي٬ هېواد سره مينه لرونكے يو تن به هم د دوي ملاتړ ونه كړي ۔ د ګل په ورځ د انفارميشن ټيکنالوجي يونيورسټي ارفع کريم ټاور كښې دستورې ته خپله وېنا كښې وفاقي وزير ووئيل په 90 ورځو كښې د الېكشن پرېكړه سياسي وه٬ آئيني او قانوني نه وه٬ ھغه كسانو چا چې د مئي په 9مه نيټه د رامخې ته پېښو جرم كړې د ھغوي په ضد ثبوت موجود دے٬ يو پارټي په يوازې دا صلاحيت نه لري چې تنها پاكستان د ستونزو نه بهر كړي٬ د پي ټي آئي اوور سيز سوشل ميډيا د هېواد د دفاعي ادارو په ضد زهرجنه پراپېګنډه كوي٬ هېواد سره مينه لرونكے يو وګړے به هم د دوي ملاتړ ونه كړي٬ مونږ له نن يو موټې كېدو سره هېواد د ستونزو نه رابهر كول دي او مخ په وړاندې تګ لپاره به عصري ټېكنالوجي خپلول وي۔ په دې موقع د پوهنتون وائس چانسلر پشمول نورو هم موجود وو۔ ميډيا سره په خبرو كښې ده ووئيل دا انقلابيان د يو دوه ورځو زندان نه شي برداشت كولې٬ مونږ خو سختۍ برداشت كړي٬ په ما قاتلانه بريد شوې٬ ما خو نه سياست پرېښې او نه ګوند ٬ دغسې زمونږ د ګوند پشان نورو مشرانو هم په زندان كښې وختونه تېر كړي٬ ګرمي او يخني ئې برداشت كړې۔ د يوې پوښتنې په ځواب احسن اقبال ووئيل په خېبرپښتونخوا كښې كه پوليس چوكۍ سوځول ترهګري ګرځولې شي نو په لاهور كښې كه په جناح هاٶس٬ د فضائيه په هوائي آډه او په نورو پوځي تنصيباتو بريدونه كول كه مونږ سياسي احتجاج ګڼلو سره نظر انداز كړو نو آيا دا به دوه مخيزه معيار نه وي او كه يو ګوند په جي اېچ كيو بريد وكړي نو دې ته سياسي احتجاج وئيل به په هېڅ صورت كښې نه قبلوٶ۔ ده ووئيل دا مهال آئي اېم اېف سره مذاكرات په وروستي پړاو كښې دي او زه دا ګڼم چې پاكستان ټول شرطونه ترسره كړي دي او ډېر زره به معاملې ترسره شي او په ماركيټ كښې چې د فشار او د بې يقينۍ صورتحال كوم فشار دې دا به ډېر زر ختم شي
د پي ټي آئي اوور سيز سوشل ميډيا د هېواد د دفاعي ادارو په ضد زهرجنه پراپېګنډه كوي۔ وفاقي وزير احسن اقبال
مضمون کا ماخذ : پاور بال کے نمبر
متعلقہ مضامین
