اسلام آباد ۔ 26ستمبر (اے پی پی)وزیراعظم عمران خان بل اینڈ میلنڈا گیٹس فاونڈیشن دے بانی بل گیٹس نال اقوام متحدہ دی جنرل اسمبلی دے اجلاس دے موقع تے نیویارک اچ ملاقات کیتی اے۔ ملاقات اچ غربت مکاونڑکیتے فلاحی پروگرام اتے اقدامات خاص کر پاکستان اچ غربت مکاونڑ کیتے پی ٹی آئی حکومت ولوں چاتے گئے اقدامات اتے ایندے تے پیش رفت تے الوایا گئے۔ وزیراعظم عمران خان آکھیے جو پاکستان توں غربت مکاونڑانہاں دی ترجیح اے، ایں سانگے او غربت مکاونڑ کیتے چین دے ماڈل توں ودھ متاثر ہین بھل پاکستان اچ غربت مکاونڑ ہک چیلنج اے جیندے کیتے حکومت اصلاحات کریندی پئی اے۔ انہاں پاکستان اچ غربت مکاونڑ کیتے بل گیٹس فاونڈیشن دے فلاحی اقدامات دی تعریف کیتی۔بل گیٹس یقین ڈیوایا جو انہاں دا فلاحی ادارہ پاکستان اچ غربت مکاو پروگرام اچ پورا پورا ہتھ ونڈیسی۔
مضمون کا ماخذ : لوٹیریا سانتا کیٹرینا
