اسلام آباد ۔ 29 جولائی (اے پی پی) وزیر خارجہ شاہ محمود قریشی آکھیا جو وزیراعظم عمران خان پہلے ڈینھ توں افغانستان دے مسئلے کوں سیاسی ذرائع نال حل کرنڑ دی لوڑھ تے زور ڈیندے آئن،اساں سمجھدوں جو پاکستان دا امن تے استحکام افغانستان دے امن نال جڑیے،افغانستان اچ ایجھی جہیں ہن جتھوں پاکستان اچ کاروائیاں کیتی ویندن،ایجھی ہک اجوکی کاروائی اچ پاک فوج دے افسراں اتے نینگراں شہادت پاتی اے اتے ثابت کیتے جو او ملکی جغرافیائی اتے نظریاتی سرحداں دا تحفظ کرنڑ جانڑدن۔ماضی اچ افغانستان اچ سارے قباحتاں دا ذمہ وار پاکستان کوں آکھیا ویندے،ہنڑ صورتحال بدل گئی اے۔امریکی انتظامیہ نہ صرف افغانستان اچ امن دے مسئلے کوں گالھ مہاڑ نال حل کرنڑ دے اساڈے موقف کوں من گھدے جڈانجو پاکستان ولوں افغانستان اچ امن سانگے اساڈی کوششاں کوں امریکہ اچ اعلیٰ سطح تے منیا گے۔سنوار کوں وزیر خارجہ شاہ محمود قریشی قومی اسمبلی اچ پالیسی بیان ڈیندیں ہوئیں آکھیا جو پاکستان دے ڈاہ سپوتاں جام شہادت نوش کر تے ثابت کیتے جو او ملکی جغرافیائی اتے نظریاتی سرحداں دا تحفظ کرنڑ جانڑدن۔اے ایوان انہاں دی قربانی کوں سلام پیش کریندے اتے انہاں دے ٹبراں نال تعزیت کریندے۔
جڈانجو پاکستان ولوں افغانستان اچ امن سانگے اساڈی کوششاں کوں امریکہ اچ اعلیٰ سطح تے منیا گے، وزیر خارجہ شاہ محمود قریشی دا قومی اسمبلی اچ پالیسی بیان
مضمون کا ماخذ : خون چوسنے والے II
متعلقہ مضامین
