اسلام آباد ۔ 20جون (اے پی پی) سپیکر قومی اسمبلی اسد قیصر وزارت خزانہ ایف بی آر اتے بئے بجٹ متعلق وزارتاں دے وزارءتے اعلیٰ حکام دی موجودگی دا سخت نوٹس گھندے ہوئیں آکھیے جو جیرھا وی حاضر نہ تھیا ایندے خلاف سخت ایکشن گھدا ویسی۔خمیس کوں قومی اسمبلی اچ بجٹ بحث دے دوران پی ٹی آئی دے رکن راجہ ریاض ایں گال دی نشاندہی کیتی جو بجٹ تقریری دا کوئی وی نوٹس گھننڑ آلا کائنی،سید خورشید احمد شاہ آکھیا جو اینکوں پارلیمنٹ اکھیندن اتھاں آواز چاونڑ نال بہتری آسی۔ وزیر مملکت پارلیمانی امور علی محمد خان آکھیا جو وزیر مملکت ریونیو حماد اظہر نماز پڑھنڑ گن انہاں دا سٹاف نوٹس گھندا پئے ۔ایں دوران حماد اظہر ایوان اچ واپس آئے اتے انہاں آکھیا جو سینٹ دی فنانس کمیٹی دا اجلاس نال جاری اے میکوں اتھاں وی ونجنڑاں پوندے ۔سپیکر آکھیا جو تساکوں اتھاں موجود رہنڑاں چاہیدے ۔
مضمون کا ماخذ : نقدی پھٹنا
