اسلام آباد ۔ 24 اپریل (اے پی پی) وزیر اعظم عمران خان بدھ کوں اپنڑے سری لنکن ہم منصب رانیل ورکرما سنگھے کوں ٹیلیفون کیتا تے ایسٹر دے موقع تے دہشت گرد حملیں دی پر زور مذمت کریندے ہوئیں ڈکھی خانداناں نال دلی تعزیت اتے زخمیاں دی وختی چنگی صحت کیتے دعا کیتی ۔ وزیر اعظم آکھیا جو پاکستان دے عوام قیمتی جاناں دے ضیان تے بہوں ڈکھی ہن تے ڈکھ دے ایں ویلھے اچ سری لنکا دے بھراواں دے نال کھڑوں ۔ انہاں آکھیا جو دہشت گردی نال بری طرح متاثر تھیونڑ دی بنا تے اساں سری لنکا دے بھراویں دی تکلیف کوں محسوس کر سگدوں۔ انہاں آکھیا جو دہشت گردی دی کوئی سرحد، مذہب کائنی ہوندا تے ایندے نال پورے خطے تے دنیا دے امن کوں خطرہ اے ۔ وزیر اعظم آکھیا پاکستان ہر قسم دی دہشت گردی دی مذمت کریندے ایں لعنت کوں مکاونڑ کیتے ہر ممکن حمایت کریندا رہ ویسی۔ وزیراعظم انسداد دہشت گردی اقدامات دے حوالے نال سری لنکا کوں معاونت دی پیشکش دا اعادہ وی کیتا۔
وزیر اعظم عمران خان دا سری لنکن ہم منصب رانیل ورکرما سنگھے کوں ٹیلیفون، ایسٹر دے موقع تے دہشت گرد حملیں دی پر زور مذمت
مضمون کا ماخذ : لاٹری ایپ کی تجزیات
متعلقہ مضامین
