اسلام آباد ۔ 20 نومبر (اے پی پی) صدر مملکت ڈاکٹر عارف علوی آکھیے جو پاکستان بالاں دے حقوق دے تحفظ سانگے علاقائی تے علامی اقدامات اچ کلیدی کردار ادا کریندا پئے ،پاکستان دی حکومت اپنڑے بالاں کوں ہر قسم دے استحصال توں تحفظ فراہم کرنڑ سانگے پر عزم اے ، حکومت بالاں دے حقوق دے تحفظ سانگے اپنڑیاں ذمے واریاں نال پوری طرح آگاہ اے تاں جو ضرورت ایں امر دی اے جو سارے سٹیک ہولڈرز اپنڑیاں ذمے واریاں ادا کرن ۔صدر مملکت اے گال بالاں دے حقوق دے عالمی ڈینھ دے موقع تے اپنڑے پیغام اچ آکھی جیرھا جو اج پاکستان سمیت پوری دنیا اچ منایا ویندا پئے ۔صدر مملکت آکھیا جو بالاں دے حقوق دے تحفظ سانگے بین الاقوامی کنونشن (سی آر سی) دے دستخط کنندہ دی حیثیت نال پاکستان بالاں دے حقوق دے تحفظ سانگے علاقائی تے عالمی اقدامات اچ کلیدی کردار ادا کریندا پئے ۔اے اساڈی ذمے واری اے جو اساں نسل ،عقیدے تے مذہب تے حیثیت توں بالاتر تھی تے ہر بال کوں ترقی دے موقع تئیں رسائی فراہم کروں ۔پاکستان دی حکومت اپنڑے بالاں کوں ہر قسم دے استحصال ،انہاں کوں انجھ کیتے ونجنڑ تے انہاں کوں غیر اہم قرار ڈتے ونجنڑ توں تحفظ فراہم کرنڑ سانگے پر عزم اے۔ صدر مملکت آکھیا جو اساں ایں ڈینھ دے موقع تے اپنڑے ملک اچ بالاں دے حقوق دے تحفظ کوں یقینی بنڑاونڑ تے ایں حواے نال کم کرنڑسانگے پرعزم ہوں ۔ حکومت اصلاحات دے ایجنڈے تے کم شروع کر ڈتے جیں دے مستقبل اچ بالاں دے حقوق تے مثبت اثرات تھیسن ۔ انہاں اچ بالاں نال زیادتی دے تدرا ک سانگے ایکشن پلان جوونائل جسٹس ایکٹ کوں حتمی شکل ڈیونڑ تے بالاں دے حقوق سانگے قومی کمیشن دا قیام شامل اے ۔
پاکستان بالاں دے حقوق دے تحفظ سانگے علاقائی اتے عالمی اقدامات اچ کلیدی کردار ادا کریندا پئے ، صدر مملکت ڈاکٹر عارف علوی دا بالاں دے حقوق دے تحفظ دے عالمی ڈینھ دے موقع تے پیغام
مضمون کا ماخذ : apostas lotofácil
متعلقہ مضامین
