چارے صوبیں دے وزیر اعلیٰ ، خزانہ ، منصوبہ بندی تے ترقی ،تجارت ، ریلوے ،آئی ٹی دے وزیر، سرتاج عزیز وزیر اعظم دے وفد اچ شامل
اسلام آباد ۔ 12 مئی (اے پی پی) وزیر اعظم محمد نواز شریف چینی صدر شی جن پنگ دی دعوت تے ہک ہفتے دے دورے تے جمعے کوں چین روانہ تھی گے ہن ۔ وزیر اعظم دے نال ونجنڑ آلے وفد اچ وزیر اعلیٰ پنجاب شہباز شریف ، وزیر اعلیٰ سندھ مراد علی شاہ، وزیر اعلیٰ خیبرپختونخوا پرویز خٹک اتے وزیر اعلیٰ بلوچستان ثناءاللہ زہری سمیت بے اعلیٰ حکام شامل ہن۔ ایندے علاوہ وفد اچ وزیر خزانہ اسحاق ڈار ، منصوبہ بندی و ترقی دے وفاقی وزیر احسن اقبال ، وزیر تجارت انجینئر خرم دستگیر خان، وزیر ریلوے خواجہ سعد رفیق ، انفارمیشن ٹیکنالوجی دی وزیر مملکت انوشہ رحمن، امور خارجہ بارے اچ وزیر اعظم دے مشیر سرتاج عزیز وی شامل ہن۔ اپنڑے دورے دے دوران وزیراعظم نواز شریف 14تے 15مئی کوں بیجنگ اچ چین دی حکومت دے زیر انتظام بین الاقوامی تعاون سانگے ون بیلٹ ون روڈ فورم اچ شرکت کریسن جیں اچ 27مختلف ملکاں دے سربراہان مملکت تے اعلیٰ حکام شریک تھیسن ۔ بیلٹ اینڈ روڈ ( بی آر ایف )فورم 2013 اچ شروع کیتے گے چین دے صدر شی جن پنگ ولوںسلک روڈ اقتصادی راہداری اتے 21ویں صدی دے جدید سلک روڈ دے پروگرام دا حصہ ہے۔ فورم دے انعقاد دا مقصد سانجھے تعاون دے ذریعے ترقی دے سانجھے اہداف دا حصول ہے ۔ بی آر ایف دے دوران وزیر اعظم اعلیٰ سطح دے مذاکرات اچ شریک تھیسن تے فورم توں وی خطاب کریسن ۔وزیر اعظم محمد نواز شریف دنیا دے مختلف ملکاں نال تعلق رکھنڑ آلے ترائے رہنماواں اچ شامل ہن جیرھے جو فورم دے چھیکڑی اجلا س توںخطاب کریسن ۔ اپنڑے دورے دے دوران وزیراعظم محمد نواز شریف چین دے صدر شی جن پنگ اتے وزیر اعظم لی کی یانگ نال سانجھے دلچسپی دے امور سمیت ڈو پاسے تعلقات دے ودھارے اچ ملاقاتاں وی کریسن ۔ایں موقع تے چین پاکستان اقتصادی راہداری (سی پیک) منصوبے دے تحت کئی معاہدیں تے مفاہمت دیاں یادداشتاں تے دستخط وی کیتے ویسن ۔ اپنڑے دورے دے دوران وزیر اعظم کانفرنس اچ شریک بے عالمی رہنماواں نال وی ملاقات کریسن ۔
وزیر اعظم محمد نواز شریف چینی صدر شی جن پنگ دی دعوت تے ہک ہفتے دے دورے تے چین روانہ تھی گن
مضمون کا ماخذ : sorteos dupla sena
متعلقہ مضامین
