سپن وام (شمالی وزیرستان۔3 مارچ ۔اے پی پی) وزیراعظم محمد نوا?? شریف آکھیا جو خوف اتے فساد دا دور آپنڑے اختتام کوں پج گئے ،اج ہک نواں دور شروع تھیندا پئے ،اندھارے دور تھیندے پئن ،ترقی دا پھیتا ٹُر پئے ،ماضی دے مقابلے اچ مہنگائی گھٹ تھیند?? پئی اے ،لوڈشیڈ نگ ترائے چار گھنٹیاں تئیں محدود تھی گئی اے،صنعتاں کوں 24گھنٹے بجلی ملد?? پئی اے ،بجلی دے نرخ گھٹ تھیندے پئن ،پورے ملک اچ موٹرویز دا جال وچھایا ویندا پئے ،ہک ہزار ارب روپے توں ودھ دے سڑ??اں دے منصوبے بنڑدے پئن ۔فاٹا اچ جامعات اتے تعلیمی ادارے بنڑسن۔سڑکاں اتے انفراسٹرکچر تعمیر تھیسی،فاٹا کوں قومی دھارے اچ آندا ویسی،ایف سی آر دا خاتمہ کر تے نویں قانون سازی کیتی ویسی ،اساں کوں محاذ آرائی ،منفی اتے فرسودہ سیادت توں نجات گھنڑی پوسی اتے دل وڈا کر تے چھوٹے چھوٹے فائدیاں توں باہر نکل کراہیں ترقی سانگے ہتھاں تے ہتھ پاونڑ پوسن۔جمعہ کوں کرم تنگی ڈیم دے افتتاح دے موقع تے تقریب توں خطاب کریندیں ہوئیں وزیراعظم آکھیا جو اج بہوں نیک منصوبے دا آغاز تھیندا پئے ،کرم تنگی ڈیم پراجیکٹ دی بنیاد شمالی وزیرستان اچ ہک نویں دور دا آغاز اے۔اے گالھ دا اعلان اے جو خوف اتے ردالفساد دا ہک دور آپنڑے اختتام کوں پج گئے اتے اج ہک نواں ع??د شروع تھیندا پئے ۔انہاں آکھیا جو الحمداللہ بے یقینی خت?? تھیند?? پئی اے اتے امید دا چراغ روشن تھیندا پئے ۔جتھاں پہلے خوف دا راج ہئی اج اللہ دے فضل و کرم نال محبت اتے اخوت دی حکمرانی اے۔
وزیراعظم محمد نواز شریف دا کرم تنگی ڈیم دے افتتاح دے موقع تے تقریب توں خطاب
مضمون کا ماخذ : loterias da caixa