فیصل آباد۔12ستمبر (اے پی پی):وزیر مملکت اطلاعات و نشریات فرخ حبیب آکھیے جو ملک اچ جمہوریت کوں تکڑا کرݨ تے صاف شفاف انتخابات کیتے اصلاحات ضروری ہن ایں کیتے تحریک انصاف دی حکومت شفاف انتخابات کیتے اصلاحات تے کم کریندی پئی اے مگر ایندے برعکس اپوزیشن الیکٹرانک ووٹنگ مشین کوں ݙٹھے بغیر مسترد کرݙتا حالانکہ اے مشین ٹھپہ مافیا دا بہترین متبادل اے لیکن چونکہ اپوزیشن شفاف انتخابات کیتے اصلاحات تے تعاون نی کریندی پئی لہٰذا اومریم،بلاول، شہباز توں پچھدن جو جے ??نہاں کنے شفاف الیکشن کیتے ایندے علاوہ کوئی متبادل حل موجود اے تاں ݙساون جو کل تئیں خود الیکشن کمیشن دے باہر احتجاج کرݨ آلے اڄ اساں تے تنقید کریندے پئن حالانکہ ایں الیکشن کمیشن دی پریس ریلیز میڈیا کوں پہلے تے حکومت کوں بعد اچ ملدی اے ، اتوار کوں سبزی م??ڈی فیصل آباد دا دورہ کریندے ہوئیں میڈیا نال ڳال مہاڑ اچ انہاں آکھیے جو حیرت دی ڳال اے جو ٻئے سارے شعبے اچ تاں ت??اں الیکٹرانک مشیناں اتے ڈیجیٹلائزیشن دے پاسے ویندے پیو تے چاہندوں جو دنیا دیاں ساریاں سہولتاں ت??اݙے ہتھ اچ موجود موبائل اچ موجود ہوون مگر جݙاں جو ایں ??ہم شعبہ جمہوریت دی ڳال آندی اے تاں ت??اں ایندے وچ الیکٹرانک ووٹنگ مشین دی بغیر ݙٹھے بغیر سوچے سمجھیے مخالفت کرتے اے ثابت کرݨ دی کوشش کریندے پیو جو تساں ٹھپہ مافیا توں ٻاہر نی نکلݨ چاہندے تاں جو تساݙا ماضی دیاں دھاندلیاں دا تسلسل جاری رہسی مگر ہݨ اینویں نہ تھیسی۔
تحریک انصاف دی حکومت شفاف انتخابات کیتے اصلاحات تے کم کریندی پئی اے ،وزیر مملکت اطلاعات و نشریات فرخ حبیب
مضمون کا ماخذ : مردہ یا زندہ II
متعلقہ مضامین
