اسلام آباد۔30جون (اے پی پی):وزیرا??ظم عمران خان عوامی جمہوریہ چین دی کیمونسٹ پارٹی (سی پی سی) دی صد سالہ تقریب دے موقع تے چین دے صدر شی جن پنگ کوں مبارخ ݙتی اے ، ٻدھ کوں وزارت خارجہ توں جاری بیان موجب وزیر ا??ظم عوامی جمہوریہ چین دے صدر اتے سی پی سی دی سینٹرل کمیٹی دے جنرل سیکرٹری کوں صد سالہ تقریب دے موقع تے مبارخ دا سنھیا پٹھیے ۔ وزیر ا??ظم اپݨےسنھیے اچ آکھیے جو سی پی سی دی قیام دے واقعے توں عالمی تاریخ تے ݙو رس اثرات مرتب تھئن ۔ انہاں چین دی کیمونسٹ پارٹی اتے ایندی قیادت کوں زبردست خراج تحسین پیش کریندے ہوئیں آکھیے جو چین دی آزادی اتے ایندی ترقی کمیونسٹ پارٹی دیاں قربانیاں اتے کوششاں دا نتیجہ اے ۔ وزیر ا??ظم عمران خان چینی عوام دی فلاح و بہبود ??اص طور تے غربت مکاوݨ تے سماجی و اقتصادی ترقی کیتے چین دی کیمونسٹ پارٹی دیاں کوششاں دی تعریف کیتی، انہاں توقع ظاہر کیتی جو چینی صدر شی جن پنگ دی دانشمندانہ اتے متحرک قیادت اچ چینی قوم دی عظیم الشان تجدید دے پاسے مارچ جاری رکھیا ویسی ۔وزیر ا??ظم پاک چین دوستی کوں ودھارا ݙیوݨ اچ سی پی سی دے کردار دی وی تعریف کیتی ۔ انہاں آکھیے جو 2021 پاکستان اتے چین دے سفارتی تعلقات دے قیام دی 70 ویں سالگرہ دا سال اے، وزیر ا??ظم ایں یقین دا اظہار کیتے جو پاکستان تے چین وچال دوستی مزید ودھسی جیں کوں ݙوہیں ملکاں دی قیادت اتے عوام چاہندی اے۔
وزیر اعظم عمران خان دی چین دی کیمونسٹ پارٹی دی صد سالہ تقریب دے موقع تے صدرشی جن پنگ کوں مبارخ ، پاک چین دوستی دے ودھارے اچ سی پی سی دے کردار دی تعریف
مضمون کا ماخذ : خوش قسمت لڑکی
متعلقہ مضامین
