سیالکوٹ ۔ 8 ج??وری (اے پی پی) وزیراعظم شاہد خاقان عباسی آکھیا ہے جو سیاسی استحکام نال ہی ملک ترقی کر سگدے مسلم لیگ ن دی حکومت کوں اے اعزاز حاصل ہے جو اوں او منصوبے وی پورے کیتے ہن جیرھے پچھلیاں حکومتاں ادھ اچ چھوڑ گیاں ہن ۔اساکوں دعوے کرنڑ دی ضرورت کائنی ،اساں جیرھے کم کیتے ہن او نظر آندے ہن۔ انہاں اے گالھ سیالکوٹ ایوان صنعت و تجارت دی تقریب توں خطاب کریندے ہوئیں ??یتی۔وزیراعظم آکھیا جو دہشت گردی دے خلاف جنگ اچ پاکستان جیرھیاں کامیابیاں حاصل کیتیاں ہن او کہیں بئے نی حاصل کیتیان ،تاجراں دا سیلز ٹیکس ریفنڈ دا مسئلہ بہوں وختی حل کر گھدا ویسی اساکوں 50ارب ڈالر توں ودھ دی بر آمدات تے توجہ ڈیونڑیں ??اہیدی ہے امن دی صورت حال اچ بہتری تھی ہے اساں وڈیاں قربانیاں ڈے تے دہشت گردی دے عنصر کوںمکایا ۔بجلی تے گیس دے مسئلے نال نبڑنڑ ہک چیلنج ہئی اج بجلی تے گیس وافر ہن تے بجلی تے گیس دی قیمت گھٹ کرنڑ تے ایندی دستیابی کوں بہتر بنڑاونڑ بنڑاونڑ سانگے کوششاں جاری ہن ،حکومت ہر ضلعے اچ یونیورسٹی بنڑاونڑ کیتے کم کریندی پئی ے ۔ایں موقع تے وزیر خارجہ خواجہ آصف وی موجود ہن ۔وزیراعظم آکھیا جو ملک کوں ترقی تے خوشحالی دے رستے تے ٹوریے اتے انشا ءاللہ اینکوں اگوں تے ودھائی رکھس??ں جیکر ملک اچ دھرنے ،احتجاج تے الزام تراشی دی سیاست نہ ہوندی تا?? اج اقتصادی صورت حال پہلے توں بہوں چنگی ہوندی ۔انہاں آکھیا جو مسلم لیگ (ن) گڈ گورننس کوں اپنائے اتے او کم وی کیتن جیرھے پچھلیاں حکومتاں کیتے نا ممکن تھی گے ہن ۔مسلم لیگ ن دی حکومت عوام دے مسلے حل کرنڑ جانڑدی وی ہے تے چاہندی وی ہے ،اتنے کم کہیں نی کیتے جیرھے مسلم لیگ ن دی حکومت کریندی پئی ہے ۔ملک اچ استحکام ہوسی تاں ملک ترقی وی کریسی ۔ وزیراعظم تاجر برادری ولوں پیش کیتے گے مسلے دے حل دی یقین دہائی کرائی اتے انہاں مسلیں دے جائزے کیتے مشیر برائے خزانہ مفتاح اسماعیل کو ں ذمے واری ڈتی گی۔
سیاسی استحکام تے پالیسیاں دے تسلسل نال ہی ملک ترقی کر سگدے وزیراعظم شاہد خاقان عباسی دا سیالکوٹ ایوان صنعت و تجارت دی تقریب نال خطاب
مضمون کا ماخذ : لاٹری کا ٹکٹ کیسے خریدیں
متعلقہ مضامین
